YouTube akuzohet për shkeljen e të drejtave të fëmijëve

YouTube është akuzuar për shkelje të ligjeve të mbrojtjes së fëmijëve në SHBA, nga një grup prej 23 organizatash që merren me mbrojtjen e fëmijëve, sigurinë e fëmijëve dhe avokimit.

Koalicioni ka paraqitur një ankesë pranë Komisionit Federal të Tregtisë (FTC) duke pretenduar se YouTube mbledh të dhëna nga fëmijët nën moshën 13 vjeçare, pa dijeninë e prindërve.

Në një deklaratë, Google tha: “YouTube nuk është për fëmijët”.

Pse është ankuar grupi?

Grupi (CCFC) argumenton se YouTube nuk i plotëson kërkesat e Aktit të Mbrojtjes së Privatësisë së Fëmijëve Online.

Faqet e internetit të drejtuar për fëmijët duhet të informojnë prindërit nëse mbledhin të dhëna personale dhe duhet të kërkojnë lejen prindërore përpara se të gjurmojnë të dhënat për fëmijët.

“Këto janë kërkesat themelore, dhe Google as nuk përpiqet t’i përmbushë ato,” thotë CCFC në një deklaratë .

Grupi pretendon se YouTube mbledh të dhëna për vendndodhjen dhe zakonet e shfletimit të përdoruesve të tij – edhe nëse janë fëmijë – dhe e përdor atë për të targetuar reklamat.

“YouTube është një nga faqet më të popullarizuara të fëmijëve në botë dhe ata e dinë”, tha CCFC.

“Shumë nga kanalet më të suksesshme të YouTube shfaqin videot e rimave të fëmijëve, karikaturat, reklamat e lodrave dhe përmbajtje të tjera të dizajnuara për të kapur vëmendjen e fëmijëve të vegjël.

“Google e di që fëmijët janë atje, dhe ata po marrin privatësinë e tyre.”

Si u përgjigj YouTube?

Google tha se uebfaqja e YouTube është projektuar për njerëz të moshës mbi 13 vjeçare dhe duhet të jenë të paktën 13 vjeç për të pasur një llogari të tyren.