Werder Bremeni qëndron në Bundesliga edhe pse barazoi ndaj Heidenhiemit

Werder Bremeni barazoi 2-2 në play-off si mysafir i Heidenhiemit, por kjo i mjaftoi që të qëndronte në Bundesliga edhe për edicionin e ri, shkaku që në takimi i parë kishte përfunduar pa gola.

Pas vetëm tre minutash lojë në stadiumin “ Voith Arena”, Werderi kaloi në epërsi fal auto-golit të shënuar nga Norman Theuerkauf.

Milot Rashica (9’) kishte një mundësi ideale që të dyfishonte rezultatin, mirëpo gjuajtjen befasuese të tij e ndali portieri Kevin Muller.

Hiedenhiem ishte tejet me fat që nuk pësoi edhe në minutën e dhjetë, pas Muller bëri sërish një pritje fantastike të bërë nga Davy Klaassen.

Pjesa e parë përfundoi me këtë gol të vetëm, ndërsa në të dytën u shënuan edhe edhe tri të tjera.

Werderi sërish e kishte iniciativën për të shënuar gol, pasi rrezikoi me anë të Joshua Sargent në minutën e 59-të, mirëpo sërish në vend ishte portieri i vendasve.

Rashica më pas liroi vendin në minutën e 80-të për Niclas Fulkrug, e që kishte një paraqitje mjaftë të mirë.

Pas vetëm pesë minutash kur vushtrriasi u largua nga loja, Heidenheim i barazoi shifrat në 1-1 me anë të Tim Kleindienst (85’).

Por, Werder Bremeni nuk u dorëzuar dhe arriti të rikthente epërsinë në 2-1 me golin e realizuar nga Ludwig Augustinsson (90’+4), e drama vazhdoi edhe më tutje.

Tim Kleindienst shënoi nga penalltia në minutën e 90+7, mirëpo që barazimi 2-2 si vendas nuk u ndihmoi që të futeshin në Bundesliga, pasi Werderi kishte luajtur pa gola në shtëpi, ndërsa si mysafir arriti t’i shënonte 2-2 /Telegrafi/