Arsene Wenger ka kritikuar ata që mbajtën një qëndrim për çështjet politike në Kampionatin Botëror, duke pretenduar se nuk performuan mirë në fushë.

Reklama

Ish-trajneri i Arsenalit, i cili është një drejtues i FIFA-s për zhvillimin e futbollit global, shkaktoi zemërim në mediat sociale pas përfundimit të fazës së grupeve në Katar.

Wenger deklaroi: “Ju e dini se kur shkoni në një Botëror, ju e dini që nuk mund të humbni ndeshjen e parë. Skuadrat që kanë përvojë për të luajtur në turne si Franca dhe Anglia luajtën mirë në ndeshjen e parë”.

Arsene Wenger ka sugjeruar se protesta e Gjermanisë kontribuoi në humbjen e tyre tronditëse nga Japonia

“Ekipet që ishin të gatshme mendërisht, me një mentalitet për t’u fokusuar në konkurrencë dhe jo në demonstrata politike”.

Reklama

Kjo u interpretua gjerësisht si një goditje ndaj Gjermanisë, lojtarët e së cilës vendosën duart mbi gojë në një gjest simbolik para ndeshjes, pasi FIFA kërcënoi të sanksionojë ata që mbanin shiritin me ngjyra të ylberit “OneLove”, të cilin kapitenët e shtatë vendeve, përfshirë Anglinë, po planifikonin për ta bërë.

Reklama

Wenger deklaroi se ekipet që nuk u përqendruan në demonstratat politike dolën më mirë në ndeshjen e tyre të parë

Katër herë kampionët pësuan një humbje tronditëse 2-1 nga Japonia dhe nuk arritën të kualifikoheshin në fazat e eliminimit direkt.

Homoseksualiteti është i paligjshëm në Katar dhe tifozëve u është ndaluar hyrja në ndeshje nëse mbanin sende me ngjyra ylberi. /Telegrafi/

Gjermania pësoi një disfatë shokuese ndaj Japonisë dhe në fund nuk arriti të dilte nga grupi