I ngarkuari special i Bashkimit Evropian për bisedimet Kosovë-Serbi Miroslav Lajçak filloi një vizitë dyditëshe në Kosovë për të vazhduar më pas edhe në Beograd, në përpjekje për rifillimin e bisedimeve, të cilat u ndërprenë për shkak të mospajtimeve që kishin palët rreth çështjes së Asociacionit të komunave më shumicë serbe në Kosovë.
Lajçak takoi në Prishtinë kryeministrin e Kosovës Avdullah Hoti dhe kryetaren e parlamentit Vjosa Osmani, ndërsa, gjatë ditës së sotme takon edhe presidentin Hashim Thaҫi dhe liderët e partive politike parlamentare.
Hapa për procesin e dialogut
Lajçak pas takimit me Hotin nuk foli për media, tha se këtë do ta bëjë në fund të vizitës, kurse kryeministri Avdullah Hoti, tha në një konferencë për shtyp se vizita e Lajçakut ka të bëjë me vlerësimin e bisedimeve dhe hapave tjerë për procesin e dialogut.
“Ky nuk është proces i lehtë. Ka tema të vështira, siç është Asociacioni edhe tema tjera, por të gjithave do t’u qasemi bazuar në parimet e qarta që i kemi bërë të ditura para Kuvendit, para qytetarëve edhe të dakorduara në mes të partnerëve të koalicionit. Asociacioni i komunave me shumicë serbe është çështje e mbyllur. Për këtë Kosova ka marrë garanci dhe mbështetje nga partnerët e saj që Asociacioni i komunave me shumicë serbe nuk do të ketë kompetenca ekzekutive”, tha kryeministri Hoti, duke shtuar se “Prishtina zyrtare nuk do t’u nënshtrohet presioneve lidhur me Asociacionin”.
Asociacioni i komunave me shumicë serbe çështje e mbyllur
Në të njëjtën linjë u shpreh edhe kryetarja e Kuvendit të Kosovës Vjosa Osmani, pas takimit që zhvilloi me Lajçakun. Ajo tha se Asociacioni i Komunave Serbe, duhet të themelohet vetëm sipas interpretimit të Gjykatës Kushtetuese të Kosovës, ndërsa theksoi se ka kërkuar nga Lajçaku që mos të lejojë “bosnjëzimin Kosovës”.
Vjosa Osmani u shpreh se “çfarëdo marrëveshje, e cila nuk është e pranueshme për Kuvendin, do të mbetet e paratifikuar dhe rrjedhimisht e pazbatueshme. Sistemi kushtetues i Kosovës dhe unitariteti i vendit janë të pacenueshëm dhe nuk duhet të jenë pjesë e negociatave”.
BE-ja duhet t`i bëjë presion Serbisë
Osmani kërkoi që “BE-ja duhet t`i bëjë presion Serbisë për t’u zbatuar marrëveshjet e deritashme me Kosovën, sikurse edhe t`i ketë parasysh deklarimet me gjuhën e urrejtjes të një pjese të zyrtarëve shtetërorë të Serbisë”. Vjosa Osmani, thotë se ka kërkuar nga BE-ja që “të dënojë ashpër dhe qartë deklarimet lidhur me fshehjen e varrezave masive në Serbi dhe gjithashtu të kërkojë veprime konkrete nga pala serbe për zbardhjen e fatit të të pagjeturve”.
Paralajmërim nga Lista “Srpska”
Autoritetet në Serbi nga ana e tyre insistojnë që Kosova ta themelojë Asociacionin e komunave me shumicë serbe dhe kjo çështje të shtrohet në tavolinën e bisedave në Bruksel. Përfaqësuesit e listës “Srpska”, që kanë 10 deputet në kuvendin e Kosovës kërcënuan me mundësinë e tërheqjes së përfaqësuesve të komunitetit serb nga institucionet e Kosovës, në rast se nuk zbatohet marrëveshja për Asociacionin e komunave serbe sipas marrëveshjes së nënshkruar në vitin 2013.
Këtë paralajmërim ata e bënë pas një takimi që zhvilluan në Beograd, me drejtorit të ri të zyrës për Kosovën në qeverinë e Serbisë, Petar Petkoviq. Ky i fundit tha në Beograd se Bashkimi Evropian duhet të bëjë presion mbi Prishtinën dhe të mundësojë formimin e Asociacionit të Komunave me shumicë serbe.
Marrëveshje përmes dialogut
“Nuk do të ketë marrëveshje mbi normalizimin e marrëdhënieve me Prishtinën përpara formimit të Asociacionit, dhe as nuk është në rend të ditës dhe as që është diskutuar diku. Serbia nuk do ta njohë Kosovën, dhe në këmbim të marrë një asgjë të madhe. Marrëveshja duhet të burojë nga dialogu”, citojnë mediet në Serbi Petar Petkoviqin.
I ngarkuari i BE-së për dialogun Kosovë-Serbi, Mirosllav Lajçak, pas Prishtinës udhëton për në Beograd. Vizita e tij në Kosovë dhe Serbi bëhet një ditë pasi ai raportoi para ministrave të Jashtëm të BE-së për dialogun ndërmjet Kosovës dhe Serbisë. /Dw/
Lufta Prigozhin - Putin
Më shumëNë sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Çitaku: Rezultati i zgjedhjeve të përgjithshme do të jetë befasues
Rashiq për stërvitjet ushtarake serbe: Duan vetëm t’i tregojnë muskujt
Çka tha diplomati slloven Zhbogar në OKB që u irritua Vuçiqi?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre