Trepça ’89 arriti që për herë të parë në histori të klubit të shpallej kampione e Kosovës.
Skuadra mitrovicase këtë sukses e arriti falë formës së jashtëzakonshme të yllit të Përfaqësueses së Kosovës, Florent Hasanit.
Sulmuesi anësor ka shkëlqyer edicionin e kaluar duke shënuar 16 gola e 13 asistime për skuadrën e tij.
Edhe në edicionin e ri Florenti ishte protagonist pasi shënoi gjashtë herë dhe asistoi në tre gola të tjerë.
Hasani e ka shijuar në maksimum vitin 2017, derisa me ekipin e tij Trepça ’89 ishin pjesëmarrës për herë të parë në histori në ligën më prestigjioze të futbollit në Evropë, atë të Kampionëve.
Hasani e shijoi Evropën në maksimum, derisa ishte pjesë e Përfaqësueses U-21 të Kosovës duke luajtur në secilën ndeshje në kualifikimet për në Itali dhe San Marino, shkruan telegrafi.com.
Një vit i jashtëzakonshëm për Hasanin, i cili rrëfehet për Telegrafin në lidhje me të arriturat personale për vitin që po lëmë pas dhe atë që do të vije, teksa shpalos edhe synimet e tij.
Evropa përmes Ligës së Kampionëve
Telegrafi: Florent ke pasur një vit të jashtëzakonshëm personal me gola e asistime. Si e vlerësoni në përgjithësi 2017-tën?
Hasani: Viti 2017 ka qenë mjaft i suksesshëm me gola dhe asistime. Kam pasur paraqitje mjaft të mira dhe kjo normalisht se është edhe meritë e bashkëlojtarëve të cilët më kanë ndihmuar jashtëzakonisht shumë.
Telegrafi: Në këtë vit e sollët edhe titullin e parë të kampionit për klubin Trepça ’89. A ju bën ky fakt të ndiheni hero në qytetin e Mitrovicës?
Hasani: Se ishte ky vit i suksesshëm e tregoi në fund edhe titulli kampion me Trepça ’89. Pas një rruge të gjate të filluar qysh në vjeshtën e vitit 2016 arritëm që në këtë vit historik të shpallemi kampion për herë të parë në histori të klubit dhe kjo sigurisht të bënë krenarë dhe të privilegjon pasi po e sjell titullin e shumë pritur në një qytet i cili jeton me futbollin.
Telegrafi: Gjatë vitit 2017 përjetuat edhe emocionet e Ligës së Kampionëve. Na fol pak për dy ndeshjet në këtë garë?
Hasani: Pas titullit dhe festës ishte radha që të përgatitemi për ndeshjet e Ligës së Kampionëve, ishte ndjenjë e jashtëzakonshme që të marrim pjesë dhe të degjosh himnin e kësaj gare. Këto dy ndeshje do të jenë të paharruara gjatë gjithë jetës edhe pse fati nuk ishte me ne pasi u eliminuam nga mungesa e përvojës.
Përfaqësuesja e Kosovës i mundësoi një tjetër ‘shteg’ drejt Evropës
Telegrafi: Gjithashtu ke qenë pjesë e rëndësishme e Përfaqësueses së Kosovës U21, si ishin ndeshjet ndërkombëtare?
Hasani: Së pari është privilegj të mbrosh ngjyrat e vendit tënd dhe njëkohësisht krenari. Kemi zhvilluar ndeshje shumë të mira, por ishim të pafat në shumë prej tyre. Ndeshja ndaj Norvegjisë në “Adem Jashari” do të jetë e paharruar për mua personalisht, pasi kam kontribuar në kthesën e madhe me një gol dhe një asistim duke gëzuar mijëra tifozë që kishin ardhur për të na mbështetur. Shpresojë që mbështetja nuk do të na mungojë edhe në ndeshjet e vitit 2018-të.
Telegrafi: Edhe këtë edicion të ri e ke nisur mirë individualisht, por jo edhe aq me klubin pasi keni mbetur paksa mbrapa në garë për titull?
Hasani: Mendoj që edhe në këtë edicion e kam mbajtur formën duke punuar maksimalisht, rezultatet e skuadrës nuk janë ato të cilat i kemi pritur. Për këtë përgjegjësia është tek ne lojtarët, por në edicionin pranverorë fytyra e Trepçës ’89 do të jetë krejt ndryshe dhe gara për titull është shumë e hapur pasi diferenca prej shtatë pikëve nuk është e paarritshme.
E ardhmja sërish drejt Evropës
Telegrafi:E ardhmja e Florentit ku do të jetë, a keni pasur ndonjë ofertë?
Hasani: Synim i imi është që në të ardhmen të bëjë karrierë në ndonjë kampionatet të fortë evropian. Për këtë jam duke punuar maksimalisht dhe shpresojë që viti i ardhshëm të më gjejë në ndonjë skuadër të fortë diku në Evropë, pasi edhe këto gjashtë muaj do të jem pjesë e Trepçës ’89 për të respektuar kontratën. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Zyrtare: Julian Nagelsmann rinovon kontratën me Gjermaninë
Mikel Arteta ka zgjedhur dy lojtarët që dëshiron t’i transferojë pas eliminimit nga Liga e Kampionëve
Cristiano Ronaldo bëri një gabim shumë të madh kur parashikoi tre favoritët për Ligën e Kampionëve
Cristiano Ronaldo bëri një gabim shumë të madh kur parashikoi tre favoritët për Ligën e Kampionëve
Ronald Araujo afër largimit nga Barcelona? Agjenti i tij në bisedime me klubin e njohur
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
U eliminua nga Liga e Kampionëve, Guardiola e do me çdo kusht transferimin e top yllit gjerman
Superkompjuteri parashikon favoritin e ri për të fituar Ligën e Kampionëve këtë sezon
Ancelotti theu protokollin e UEFA-s pasi eliminoi Manchester Cityn nga Liga e Kampionëve
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë janë retë artificiale dhe a shkaktuan përmbytjet e mëdha në Dubai?
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
Zyrtare: Serie A do të ketë pesë skuadra në Ligën e Kampionëve për sezonin 2024/25
Policia serbe e dërgon në paraburgim mërgimtarin nga Gjakova që e arrestoi në kufi