Vetura e parë presidenciale elektrike në botë – Macron bën histori

Stellantis ka njoftuar se modeli DS N°8 Présidentiel është bërë vetura e parë elektrike në botë e destinuar për presidentin e një vendi.

Presidenti i Francës sapo ka kaluar nga një SUV luksoz në atë që duket të jetë një përzierje e një sedan, fastback dhe coupe crossover.

DS N°8 është i papërshkueshëm nga plumbat dhe ka drita speciale vezulluese.

Modeli i vetëm u zbulua gjatë një prezantimi ekskluziv në Pallatin Elysée në Paris.

Dhe Macron bëhet presidenti i parë në botë që përdor një EV si veturën zyrtare shtetërore, përcjell Telegrafi.

DS N°8 është modeli që DS Automobiles zbuloi në fund të vitit të kaluar.

Ndërkohë bënë të gjitha ndryshimet për ta kthyer në një mjet transporti presidencial.

Bëhet e ditur se modeli iu prezantua presidentit të Republikës Franceze në 80-vjetorin e 8 majit 1945, Ditës së Fitores.

N°8 duhet të bazohet në versionin FWD me rreze të gjatë të modelit, i cili është i pajisur me një paketë baterie 97,2 kWh dhe ka një motor elektrik që gjeneron 242 kuaj fuqi.

Sidoqoftë, këto shifra mund të jenë të parëndësishme, duke marrë parasysh peshën shtesë që sjell blindimi.

Klientët do të mund të porosisin një veturë si ajo e Macron duke filluar nga shtatori 2025, por versioni antiplumb nuk do të jetë i disponueshëm për publikun.

Ndryshe, Macron është presidenti i shtatë francez që përdor një model DS, duke filluar me gjeneralin Charles de Gaulle në 1958. /Telegrafi/