Një peizazh i impresionistit holandez Vincent Van Gogh, i shfaqur në Paris të mërkurën, pritet të shitet nga 3-5 milionë euro kur të dalë në ankand në muajin qershor.

Kjo do të jetë hera e parë që një vepër e Van Gogh shitet në Francë në më shumë se dy dekada. E realizuar në 1888-shin, në vitet e para të karrierës së artistit, piktura u frymëzua nga jeta në fshatrat rreth Hagës, ku Van Gogh kaloi një kohë të shkurtër, por shumë të rëndësishme për krijimin e stilit të tij artistik.

Organizatorët e ankandit thonë se rëndësia e pikturës theksohej nga fakti se ajo kishte qëndruar e varur për 25 vjet, në muzetë me prestigjioze të botës.

Si peizazhi i vetëm i realizuar nga artisti holandez gjatë kësaj periudhe në karrierën e tij, ajo përmban shumë elementë që më vonë do të bëheshin simbole të punës së tij, përfshirë qiejt e veshur nga retë.

Në një letër për vëllain e tij Theo, Van Gogh tregonte se sa shumë ishte impresionuar nga gratë fshatare, të cilat pasqyrohen teksa lëvizin nëpër arat me kokat e mbuluara me shami.

Ankandi do të zhvillohet në 4 qershor në kryeqytetin francez. /TCH/