Vendet e BE-së mbështetën sanksionet ndaj Iranit për shkak të furnizimit të Rusisë me dronë

Vendet e Bashkimit Evropian kanë mbështetur sanksionet ndaj Iranit për shkak të dronëve të prodhuar nga Irani të furnizuar Rusisë dhe të përdorur në sulmet ndaj Ukrainës.

Kjo është bërë e ditur për dpa nga shumë diplomatë të BE-së, përcjell Telegrafi.

Siç ishte raportuar më herët, BE po planifikonte të sanksionojë disa individë dhe entitete iraniane brenda ditëve në vijim lidhur me shitjet e armëve në Rusi.

#BREAKING: European Union countries backed sanctions on Iran over Iranian-made drones supplied to Russia and used in strikes on Ukraine, multiple EU diplomats told dpa. pic.twitter.com/sIOKVSbQZq

— dpa news agency (@dpa_intl) October 19, 2022

Lëvizja vjen mes raporteve se Rusia ka përdorur dronët iranianë për të goditur objektivat civile në Ukrainë dhe së shpejti mund të marrë raketa iraniane të drejtuara me saktësi.

Sipas inteligjencës amerikane të cituar nga New York Times, Teherani gjithashtu ka dërguar trajnerë dronesh në Krimenë e pushtuar nga Rusia, shkruante Politico.

Sanksionet do të jenë një tjetër pengesë e rëndësishme për negociatat për të rivendosur marrëveshjen bërthamore të Iranit, i njohur si Plani i Përbashkët Gjithëpërfshirës i Veprimit (JCPOA), i cili hoqi shumë sanksione të SHBA-së ndaj Teheranit në këmbim të frenimit të programit të tij bërthamor.

Negociatorët kanë punuar për të rivendosur marrëveshjen bërthamore të vitit 2015, pasi SHBA-ja e atëhershme e udhëhequr nga presidenti Donald Trump e braktisi atë në vitin 2018. /Telegrafi/