LAJMI I FUNDIT:

Vëllai i Qerim Kelmendit, Osmani, hedh dyshimet e para se nga kush mund të jetë porositur vrasja

Vëllai i Qerim Kelmendit, Osmani, hedh dyshimet e para se nga kush mund të jetë porositur vrasja

Është gjetur i vdekur ish-pjesëtari i Ushtrisë Çlirimtare të Kosovës, Qerim Kelmendi, i cili sipas prokurorisë dyshohet se është vrarë e më pas është djegur.

Vrasja ndodhi rreth orës 01.30 pas mesnate në fshatin Zahaq të Pejës, rreth 300 metra nga shtëpia e të ndjerit.

Policia e Kosovës ka konfirmuar rastin. Zëvendëskomandanti i Policisë në rajonin e Pejës, Veton Elshani, tha se brenda një veture të tipit ‘Pasat’ është gjetur trupi i djegur i Qerim Kelmendit.

Lidhur me ngjarjen për RTV Dukagjini ka folur vëllai i të ndjerit, Osman Kelmendi. Sipas tij, dyshimet janë që kjo ishte vrasje e porositur nga shërbimet serbe.

“Krejt çka dyshojmë është se kjo ishte një vrasje e porositur nga shërbimet serbe. E gjithë jeta e vëllait tim Qerimit karakterizohet nga veprimtaria patriotike”, deklaroi për RTV Dukagjinin, Osman Kelmendi.

Kelmendi shtoi se Qerimi kishte bërë një jetë të qetë pavarësisht që ishte ndër ushtarët e parë të UCK-së dhe me plagë të luftës.

“Si i ri ka qenë i përndjekur, pastaj i burgosur politikë, pastaj prej ushtarëve të parë të UÇK-së, ushtari i parë i UÇK-së i plagosur. Pas lufte ka bërë një jetë të qetë si invalid i luftës”, deklaroi më tej Osman Kelmendi.

Qerim Kelmendi ishte vëllai i Ibrahim Kelmendit, njërit nga drejtuesit e Lëvizjes Popullore të Kosovës. I ndjeri në postimin e fundit në rrjetin social Facebook, kishte shkruar se urrehet nga mijëra shqiptarë. Këtë postim e kishte bërë në mbrojtje të ish-luftëtarit tjetër, Nasim Haradinaj. Ky i fundit e kishte quajtur ish presidentin Ibrahim Rugova, tradhtarë./RTV Dukagjini/

Në trend Lajme

Më shumë
Pse Mali i Zi votoi kundër Kosovës në KiE, flet Dritan Abazoviq

Pse Mali i Zi votoi kundër Kosovës në KiE, flet Dritan Abazoviq

Lajme
Lajçak me post të ri nga shtatori

Lajçak me post të ri nga shtatori

Lajme
Katër votat kundër Kosovës në Këshillin e Evropës dhe një abstenim, gjithçka që duhet të dini

Katër votat kundër Kosovës në Këshillin e Evropës dhe një abstenim, gjithçka që duhet të dini

Muhamet Hajrullahu
Dyshohet se ishte duke u përgatitur për ta kryer një vrasje, arrestohet i dyshuari në Pejë

Dyshohet se ishte duke u përgatitur për ta kryer një vrasje, arrestohet i dyshuari në Pejë

Kronika e Zezë
Aktivitete nga Serbia për sulm “hibrid” ndaj Kosovës,

Aktivitete nga Serbia për sulm “hibrid” ndaj Kosovës, "Octopus": Urgjentisht të koordinohen veprimet me ndërkombëtarët

Siguri
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Kalo në kategori