Ish kryetari i Komunës së Podujevës Agim Veliu ka thënë se kryetari i tanishëm i kësaj komune, Shpejtim Bulliqi përveç hakmarrjes politike, arrogancës së pushtetit, linçimeve publike, aferave dhe shkarkimeve të dyshimta, tashmë ka eskaluar duke përdorur edhe dhunë ndaj qytetarëve.

Veliu përmes një statusi në rrjetin social në Facebook ka shkruar se përdorimi i dhunës nga një kryetar komune, përveç që është vepër penale, ajo paraqet një sinjal shumë të keq të abuzimit me detyrën publike.

“Për pak muaj në krye të komunës së Podujevës, përveç hakmarrjes politike, arrogancës së pushtetit, linçimeve publike, aferave dhe shkarkimeve të dyshimta, tashmë Shpejtim Bulliqi, ka eskaluar duke përdorur edhe dhunë ndaj qytetarëve. Përdorimi i dhunës nga një kryetar komune, përveç që është vepër penale, ajo paraqet një sinjal shumë të keq të abuzimit me detyrën publike”, ka shkruar Veliu.

Reagon Shpejtim Bulliqi: Nuk e sulmova askënd, pretendimet e tilla janë shpifje për të dëmtuar reputacionin tim Reagon Shpejtim Bulliqi: Nuk e sulmova askënd, pretendimet e tilla janë shpifje për të dëmtuar reputacionin tim

Tutje ai thotë se sjelljet e Bulliqit janë konform sjelljes politike të partisë së tij të re “të shiritave të kuq”.

“Në vend të shërbimit ndaj qytetarëve, siç ka qenë në kulturën politike të komunës sonë, për herë të parë që nga çlirimi një kryetar komune po ushtron dhunë ndaj qytetarëve. Praktika e dhunës i takon pushtetit të kaluar i cili nuk e qeverisë më Kosovën që nga 12 qershori i vitit 1999. Sjelljet e Bulliqit janë konform sjelljes politike të partisë së tij të re ‘të shiritave të kuq’ “, ka thënë tutje ish kryetari i Podujevës.

Një qytetar raporton në polici se është sulmuar nga kryetari i Podujevës, Shpejtim Bulliqi Një qytetar raporton në polici se është sulmuar nga kryetari i Podujevës, Shpejtim Bulliqi

Veliu tha se qytetarët e Podujevës nuk u janë nënshtruar asnjë pushteti dhe asnjë regjimi.

“Për Shpejtim Bulliqin dhe partinë e tij, çdo kush që nuk mendon si ata dhe nuk iu nënshtrohet mendësisë së tyre politike majtiste-bolshevike, ai është ‘tradhtar’ ose ‘armik’ i tyre dhe luftohet me çdo mjet. Ngjashëm ndodhi edhe me qytetarin e komunës sonë, i cili ishte pre e dhunës nga Bulliqi. Qytetarët e Podujevës nuk u janë nënshtruar asnjë pushteti dhe asnjë regjimi. Kështu do të ndodhë edhe më 14 shkurt, kur llapjanët me votën e tyre të lirë, do të dënojnë dhunuesit e kuq dhe do ta kthejnë besimin tek Lidhja Demokratike e Kosovës”, ka shkruar ndër të tjera, Agim Veliu. /Telegrafi/