Lazio ka shënuar fitore ndaj Parmas me rezultat 2-1 në kuadër të 1/16 të Kupës së Italisë, duke kaluar në çerekfinale.

Vedat Muriqi luajti nga minuta e parë në këtë ndeshje, ku kishte një paraqitje shumë të mirë.

Në pjesën e parë, Muriqi fillimisht që në rastin e parë qëlloi shtyllën në minutën e 14-të pas një goditje të mirë.

Shtatë minuta më vonë u ndal nga portieri Simone Colombi, edhe pse goditja ishte e fuqishme.

Pas këtyre rasti erdhi edhe goli i Lazios, kur shënoi Marco Parolo në minutën e 23-të. Pjesa e parë u mbyll me këtë rezultat.

Në pjesën e dytë Parma ishte më serioze, kur rrezikoi disa herë. Valentin Mihaila i barazoi shifrat në minutën  83-të të ndeshjes, duke shënuar për 1-1.

Por, në minutën e fundit të kohës së rregullt një goditje me kokë e Muriqit rezultoi me golin e fitores për Biancocelestët (2-1), edhe pse u regjistrua si autogol i portierit kundërshtar.

Lazio pas kësaj fitoreje kalon në çerekfinale të Kupës së Italisë. /Telegrafi/