Një zyrtar i lartë i Departamentit amerikan të shtetit, tha të martën, se autoritetet amerikane po vazhdojnë verifikimin e afganëve të strehuar përkohësisht në Kosovë, para se t’u lejohet vendosja në Shtetet e Bashkuara, apo në ndonjë vend të tretë.
Zyrtari që foli me një grup gazetarësh tha se procesi i verifikimit merr kohë.
“Është një element thelbësor në politikën tonë që çdo afgan i cili hyn në Shtetet e Bashkuara nuk ka lënduar ndonjëherë dikë, nuk ka lënduar ndonjë tjetër afgan, ndonjë amerikan, ndonjë pjesëtarë të NATO-s. Kështu që procesi i verifikimit është shumë i hollësishëm dhe i lidhur me shumë agjenci qeveritare amerikane dhe ndonjëherë merr kohë të gjatë. Një gjë tjetër që bëhet për afganët që presin të hyjnë në SHBA është një testim i plotë shëndetësor bashkë me 14 vaksina që kërkohen nga Qendra për Kontrollin e Sëmundjeve”, tha ai.
Sipas zyrtarit, deri tani nuk ka ndonjë afgan që nuk e ka kaluar procesin e verifikimit, ndërsa sa u takon testeve shëndetësore, disa prej tyre kanë rezultuar me tuberkuloz dhe do të duhet t’i nënshtrohen trajtimit mjekësor.
“Në rast se ndonjë nga shtetasit afganë nuk do të kalojë procesin e verifikimit, marrëveshja që kemi me qeverinë e Kosovës është se do të gjejmë një vend tjetër ku do t’i dërgojmë, pra nuk do të qëndrojnë në Kosovë”, tha ai.
Mbi një mijë e 300 shtetas afganë u strehuan në Kosovë që nga fundi i muajit gusht, si pjesë e përpjekjeve ndërkombëtare për t’i shpëtuar ata nga dhuna në Afganistan. shumica e tyre janë gra, fëmijë e pleq, familjarë të kontraktorëve që kanë punuar me koalicionin e udhëhequr nga Shtetet e Bashkuara në Afganistan.
Zyrtari lartë amerikan tha se në Afganistan janë ende mbi 100 mijë njerëz që Shtetet e Bashkuara janë të interesuara t’i largojnë prej andej. Ai nuk dha ndonjë afat të saktë kohor se kur pritet të përfundojë ky proces, por tha se mund të vazhdojë disa vjet.
“Varet nga ajo se sa do të jemi të suksesshëm fillimisht në largimin e afganëve nga Afganistani, tash për tash kemi problem të madh me këtë gjë. Siç mund ta keni parë, ne nuk kemi pasur fluturime qe një kohë, nga një dhjetori i vitit të kaluar deri në fund të janarit të këtij viti kemi pasur vetëm dy fluturime dhe ato janë ndalur nga talebanët”.
Grupe për mbrojtjen e të drejtave të njeriut si Amnesty International, ka shprehur shqetësim për mungesën e transparencës në lidhje me statusin e qytetarëve afganë të strehuar në Kosovë.
Zyrtari amerikan tha se po punohet në drejtim të krijimit të qasjes së medieve në këtë kamp, por se nuk ka një përgjigje të saktë se kur do të ndodhë një gjë e tillë meqë, siç tha ai “duhet të merren një sërë vendimesh”.
Gati gjysma e të strehuarve në Kosovë janë larguar ndërkohë, me katër fluturime në periudha të ndryshme drejt Shteteve të Bashkuara./VOA
Promo
Reklamo këtuLufta Prigozhin - Putin
Më shumëNga Rubrika
“Veriu nuk e mbulon korrupsionin në institucione”, analistët komentojnë raportin e DASH-it për Kosovën
Ambasadori i Finlandës: Anëtarësimi i Kosovës në NATO do të bëhet realitet
Dashtevski: Jemi të përgatitur për zgjedhjet, rezultatet e para do të shpallen para mesnate
Ambasadori i Finlandës: Anëtarësimi i Kosovës në NATO do të bëhet realitet
“Veriu nuk e mbulon korrupsionin në institucione”, analistët komentojnë raportin e DASH-it për Kosovën
28 vite burgim dhe mbi 50 mijë euro gjobë ndaj shtatë të akuzuarve për kultivimin të bimëve narkotike dhe posedim të marihuanës
'Çmontohet' rrjeti i drogës në Spanjë, 14 të arrestuar përfshirë edhe shqiptarë që transportonin tonelata me kanabis në Evropë
Tension në Kuvend mes PDK-së e LVV-së, Shala ia ndalon fjalën Kusari-Lilës – nënkryetarja thërret sigurimin
Alarmi i Alicia Kearns për Ballkanin, politologët komentojnë deklaratën e deputetes britanike
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe