Vazhdojnë plaçkitjet – policia kap tre hajna

Edhe sot është raportuar për një vjedhje në Hajvali të Prishtinës.

Policia ka treguar se të premten janë arrestuar tre persona të cilët nën dyshimin për vjedhje në Havjali.

Sipas policisë, personat në fjalë, fillimisht kanë thyer një shtëpi ku kanë marrë gjësende me vlerë, e më pastaj kanë shkuar në një tjetër shtëpi.

Pronari i shtëpisë më të kuptuar që i janë futur hajnat ka njoftuar policinë të cilët pasi kanë patrulluar në atë zonë kanë kapur në flagrancë plaçkitësit.

Lexo po ashtu Hajnat grabisin 25 mijë euro në ETC

Njësitet e policisë, është duke u marrë me rastin dhe se shumë shpejt do të bëhen të ditura edhe detaje të tjera.

Ditë më parë një punëtor i një argjendarie në Prishtinë, ka raportuar në Polici se një i person ka hyrë në lokal ku në qafë dhe në dorë ka vendosur nga tre zinxhirë ari, e pas atij veprimi i dyshuari është larguar nga lokali.

Lexo po ashtu Vodhi stoli ari në vlerë 10 mijë euro, arrestohet 31 vjeçari

Rastit i janë përgjigjur njësitet relevante policore.

Poashtu, është raportuar se hajnat kanë plaçkitur edhe ETC-në, me datën 18 mars të këtij muaji.

Dy punëtorë të sigurimit të ETC-së kanë raportuar se derisa ishin duke transportuar pazarin ditor janë sulmuar nga dy të dyshuar të panjohur të maskuar dhe nën kërcënimin e armëve kanë grabitur rreth 25 mijë euro./Telegrafi/