Vanessa Bryant ‘e shkatërruar’ pas publikimit të fotografive nga aksidenti ku humbi jetën Kobe dhe Gianna

E veja e Kobe Bryant, Vanessa Bryant, është ‘tërësisht e shkatërruar’ nga fotografitë që janë publikuar nga dita kur basketbollisti ndërroi jetë me vajzën e tij, Gianna dhe shtatë persona të tjerë.

Autoritetet e Los Angelesit kanë qenë vet ata që kanë publikuar imazhe të helikopterit të aksidentuar.

Sipas avokatit të saj dhe raportimeve nga tabloidet e huaja, Vanessa ka shkuar personalisht në zyrën e policisë ditën e 26 janarit për t’i kërkuar që të mos publikohet asnjë fotografi, në shenjë respekti dhe mbrojtjeje për viktimat dhe familjet e tyre.

Kërkesa nuk u plotësua dhe fotot e shkrepura kanë qarkulluar jo vetëm brenda departamentit, por dhe më gjerë.

Megjithatë, Vanessa ka ngritur akuza ndaj përgjegjësve që kanë publikuar këto imazhe dhe kërkon që pas identifikimit të tyre, të merren masat dhe fotot të mos shpërndahen më tej.

Lexo po ashtu “Kishim shpresuar të plakemi së bashku”, Vanessa Bryant tregon historinë me fustanin nga “The Notebook” që i dhuroi Kobe

Përmes një statusi në Facebook të premten, sherifi i policisë sqaron se të gjitha akuzat janë nën hetime dhe se është shumë i shqetësuar që vartësit e tij të jenë përfshirë në një qështje kaq të ndjeshme.

Kujtojmë që në fillim të këtij viti, legjenda e basketbollit Kobe Bryant (41-vjeçar) dhe vajza e tij, Gianna (13-vjeçare) “Gigi Bryant”, ndërruan jetë tragjikisht në një përplasje helikopteri në Kaliforni. /Telegrafi/