Valmir Sylejmani mungon ndaj St Paulit, rezulton pozitivë me COVID-19

Valmir Sylejmani do të jetë mungesa e madhe e Hannover 96 në ndeshje ndaj St Paulit.

Sulmuesi nga Kosova ka rezultuar pozitivë në testin PCR të bërë së fundmi nga gjithë ekipi i Hannoverit para përballjes me rivalët rajonalë.

“Hannover 96 do të duhet të ia dalë pa Valmir Sylejmanin në ndeshjen e tyre kundër St Paulit të shtunën. Futbollisti ofensivë ka rezultuar pozitivë në testin rutinë të PCR për COVID-19”, thuhet në njoftimin e klubit gjerman.

25-vjeçari është futur në izolim total nga pjesa tjetër e ekipit dhe po pret që në fillim të javës së ardhshme të bëj një tjetër test.

Përkundër se Sylejmani ka rezultuar pozitivë, ndeshja mes St Paulit dhe Hannoverit do të zhvillohet, pasi të gjithë lojtarët e tjerë kanë rezultuar negativë nga testimet e bëra.

Sylejmani është njëri nga lojtarët më të rëndësishëm të Hannoverit në repartin ofensivë, derisa pjesë e kësaj skuadre është edhe Florent Muslija. /Telegrafi/

#H96 muss morgen gegen den @fcstpauli auf Valmir #Sulejmani verzichten, bei dem ein positiver Corona-Befund festgestellt wurde. Weil bei allen anderen Spielern die PCR-Tests negativ waren, steht der Austragung der Partie nichts im Wege. #H96STP ⚫⚪💚https://t.co/g8PoUeU6Tf

— Hannover 96 (@Hannover96) September 10, 2021