Është trishtuese lufta e jashtëzakonshme e klasës politike, në një situatë po ashtu të jashtëzakonshme. Për një qytetar të thjeshtë të Kosovës, që nuk e çan kokën aspak për parti dhe për ideologji, është e frikshme dhe brengosëse kur e kupton se nga kush po varet e ardhmja e tij/saj. Vërtetë, kjo gjendje është për t’u vajtuar.
Si ka mundësi që në një periudhë kaq të vështirë nëpër të cilën po kalon i gjithë planeti, politikanët tanë gjejnë forcë dhe vullnet të kacafytën mes vete, për gjërat absolutisht triviale se a duhet të definohet kjo periudhë si e jashtëzakonshme apo jo!? Nuk ka vlerë asnjë interpretim kushtetues apo ligjor, në këtë kohë kur nga vendimet që ju merrni, politikanë të ‘dashur’, varet jeta e atyre që janë prekur nga kjo sëmundje.
Mund ta kuptoj epshin e politikanëve për pushtet, të ushunjëzave dhe rriqrave që nuk shohin asgjë tjetër pos interesit privat dhe grupor. Këtu i fus shumicën e politikanëve, sepse shumica nga ta deri tash nuk kanë dhënë dëshmi se kanë hyrë në politikë për t’i zgjidhur problemet e qytetarëve. Por, e kam të vështirë ta kuptoj epshin e të vetëquajturve analistë (virtualë) politikë, të këtyre blogerëve shqiptarë të shpërndarë anembanë botës. E kam fjalën sidomos për ata që pretendojnë se posedojnë një grimë niveli intelektual.
Thjesht, e kam të vështirë ta arsyetoj devotshmërinë e dikujt që nga Kanadaja, ShBA-ja, Gjermania, apo Zvicra – tërë kohën, 24/7 – tek rri para kompjuterit dhe tërë potencialin e tij njerëzor dhe intelektual e vë në funksion të propagandës shurdhuese dhe të paskrupullt të një partie politike. Kur e shoh ndikimin e tyre në opinion, kjo gjë më acaron. Sigurisht, është e drejtë e tyre të veprojnë kështu, por kur e shoh sigurinë e tyre për të dhënë mendim kompetent nga distanca, sesi duhet të veprohet këtu në Kosovë, kjo më duket absolutisht e papërgjegjshme dhe për më tepër e turpshme.
Turpi më i madh për mua ndërlidhet me një kastë të njerëzve që veprojnë këtu, kastë e cila ka një kohë që është etabluar në Kosovë. Këtu futen mbi të gjitha ish-politikanët egocentrikë, e veçanërisht analistët politikë që nuk shërbejnë për asgjë tjetër, përpos si shurdhues të ndërgjegjes sonë individuale. Në këtë kastë mund të futet edhe një grup i të vetëquajturve intelektualë, që pa pikë turpi rreshtohen pro një klase politike dhe në këtë mënyrë bëjnë punën e ‘argatit të dreqit’.
Njerëz, lëreni luftën politike; frenojini epshet, sepse kemi të bëjmë me një situatë që lidhet me jetën e njeriut. Po e jetojmë një periudhë tjetër të vështirë si komb. Quajeni si të doni, por kjo nuk është periudhë e zakonshme. Andaj, në këtë situatë të pazakontë na duhet uniteti, na duhet bashkimi dhe rreshtimi i përbashkët i tërë potencialit tonë. Mbi të gjitha, na duhet mirëkuptimi ndaj njëri-tjetrit. Vetëm kështu mund të përballemi me sukses më këtë armik misterioz që ka sulmuar tërë botën.
Ju uroj shëndet fizik në radhë të parë, e pastaj edhe mendor!
Lufta Prigozhin - Putin
Më shumë"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre
A e ka fituar Ukraina fuqinë për të degraduar forcat ruse me raketat e reja amerikane?
Driblim që ta kujton "Fenomenin" - Mbappe turpëroi lojtarin kundërshtar
Lajçak pas takimit trepalësh në Bruksel: Paraqita një dokument kompromisi për “çështjen e dinarit”
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Skandali i ri diplomatik i Vuçiqit në New York – ofendoi sllovenët, vjen reagimi i ashpër i Lubjanës zyrtare
KSHZ publikon rezultatet e para përfundimtare, këto janë rezultatet
Bujar Osmani shpall fitore: Dallimi është mbi 40 mijë vota ndaj Taravarit
Del rezultati përfundimtar në Gostivar, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Zbulohen dy kërkesat që Laporta ia bëri Xavit në një takim urgjent – njëra ka të bëjë me Guardiolën