Unai Emery ka zbuluar se Arsenali pret të nënshkruajë me “tre ose katër lojtarë të shtrenjtë” para përfundimit të afatit kalimtar të verës.

Londinezët gjatë sezonit të kaluar kanë pasur probleme të mëdha në fazën e mbrojtjes teksa së fundi ka paralajmëruar largimin edhe kapiteni, Laurent Koscielny.

Ardhja e vetme e re deri më tani ka qenë adoleshenti Gabriel Martinelli, i cili klubit i ka kushtuar shtatë milionë euro.

Por klubi po punon rreth arritjes së marrëveshjeve për William Saliban dhe Kieran Tierney, ndërsa gjithashtu interesohen për Dani Ceballosin dhe Wilfried Zahan.

Duke folur përpara miqësores ndaj Bayern Munichut, trajneri ka thënë “Synimi ynë është që të marrim tre ose katër lojtarë që vërtet do ta përmirësojnë skuadrën tonë. Ne po kërkojmë që të nënshkruajmë me lojtarë shumë të shtrenjtë”.

Ndryshe, Arsenali gjatë sezonit të kaluar nuk ka arritur që të zë një vend që e dërgon në Ligën e Kampionëve. /Telegrafi/