Tre persona janë arrestuar mbrëmë lidhur me vrasjen e trefishtë që ndodhi në Gllogjan të Deçanit, mbrëmjen e 26 nëntorit.

Reklama

Arrestimin e tyre e bëri të ditur kryeprokurori i Prokurorisë Themelore në Pejë, Agim Kurmehaj.

E tre të arrestuarit do të dalin sot para gjykatës. Këtë për Telegrafin e ka konfirmuar zëdhënësja e Gjykatës Themelore në Pejë, Tringa Zhuti.

Ajo tha se seanca dëgjimore për caktimin e masës së paraburgimit do të mbahet sot në orën 16:00.

Vrasja e trefishtë në Gllogjan dhe arrestimi i tre personave dy javë pas tragjedisë – gjithçka çfarë u tha mbrëmë Vrasja e trefishtë në Gllogjan dhe arrestimi i tre personave dy javë pas tragjedisë – gjithçka çfarë u tha mbrëmë

Kryeprokurori Agim Kurmehaj, tha mbrëmë se tre të dyshuarve për sulmin u është caktuar masa e ndalimit prej 48 orësh.

Kurmehaj shtoi se për shkak të ndjeshmërisë së rastit nuk mund të zbulojë më shumë detaje.

Reklama

“Nuk mund të jap më shumë informata ngase do të dëmtonin procesin e hetimeve. Edhe pas arrestimit do të vazhdojmë me intensitet të shtuar ndërmarrjen e të gjitha veprimeve të nevojshme për zbardhjen e këtij rasti”, tha Kurmehaj. /Telegrafi/

Reklama