Trajneri i Dritës, Ardian Nuhiu është ndarë shumë i kënaqur me barazimin pa gola kundër Feyenoordit në ndeshjen e parë të raundit të dytë kualifikues të Ligës së Evropës.

Ndeshja e zhvilluar në “Fadil Vokrri” është mbyllur baras 0-0.

‘Timonieri’ shkupjan tha se e kishte analizuar mirë kundërshtarin dhe paralajmëroi se Drita edhe në ndeshjen e kthimit që zhvillohet pas një javë në Holandë, do të shkojë atje për një paraqitje sa më të mirë.

“E kemi analizuar shumë kundërshtarin dhe e kemi pasur parasysh se do të kemi punë me një skuadër shumë të fortë”.

“Përgëzoj lojtarët për angazhim dhe jam i kënaqur me rezultatin”.

“Pas këtij barazimi edhe në Holandë do të udhëtojmë për të treguar një paraqitje të mirë”, ka thënë Nuhiu pas ndeshjes.

Ndeshja kthyese zhvillohet pas një jave në stadiumin “De Kupi”. /Telegrafi/