Trajanov: Pa marrëveshjet me Greqinë dhe Bullgarinë do të ishim larg NATO-s dhe BE-së

Është e qartë për të gjithë ne se pa marrëveshje me Greqinë dhe Bullgarinë ne do të ishim larg si nga NATO ashtu edhe nga BE, ndërsa kjo është arsyeja pse unë jam kundër ideve retrograde që njoftojnë rishikimin e marrëveshjeve, gjyqin për tradhti të lartë dhe të ngjashme. Është një manipulim me ndjenjat e qytetarëve, tha sot kryetari i Lidhjes Demokratike të Maqedonisë Pavle Trajanov në kongresin e gjashtë të partisë në të cilën u rizgjodh kryetar.

“LDM ka ekzistuar në skenën politike për më shumë se njëzet vjet, është i njohur nga pikëpamjet e saj parimore, objektiviteti dhe ndershmëria. Ne nuk heshtim për ndonjë çështje të rëndësishme, ne kemi qëndrimin tonë për gjithçka dhe i informojmë qytetarët për të”, tha Trajanov.

Në fjalimin e tij, Trajanov theksoi se anëtarësimi në NATO ka një rëndësi të madhe për stabilitetin e vendit, sundimin e ligjit dhe zhvillimin ekonomik, dhe vendimi i BE për të filluar negociatat e pranimit do të përshpejtojë procesin demokratik dhe zhvillimin e përgjithshëm të Maqedonisë.

Ndryshimi i emrit të Republikës së Maqedonisë është vendimi më i vështirë dhe më i rrezikshëm për të cilin gjeneratat e ardhshme nga distanca historike do të mund të japin gjykim objektiv nëse kjo ka forcuar pavarësinë dhe ka hapur perspektivë Maqedonisë./Telegrafi/