Tottenhami i vendos rekord të zi Contes

Antonio Conte është në ecurinë më të keqe të karrierës në më shumë se 12 vjet pasi Tottenham Hotspur humbi 2-0 në shtëpi ndaj Wolves, humbjen e tij të tretë radhazi në Ligën Premier.

Ish-trajneri i Juventus, Chelsea dhe Inter po përpiqet të ndikojë te Spurs dhe skuadra e tij tani ka rënë në vendin e tetë në ligën angleze.

Conte nuk kishte pësuar tre humbje radhazi në ligë që kur ishte në bankinën e Atalantës në nëntor të vitit 2009.

Lexo po ashtu Të gjitha lajmet nga Antonio Conte

Wolves ishin 2-0 në avantazh brenda 18 minutave, teksa Raul Jimenez dhe Leander Dendoncker shfrytëzuan në maksimum mbrojtjen dhe portierin çuditërisht të dobët nga skuadra e Contes.

Trajneri tregoi se sa i pakënaqur ishte duke e larguar Sessegnon vetëm 28 minuta për të inkuadruar Dejan Kulusevski, i cili u transferua nga Juventusi në janar.

3 – Spurs have lost three consecutive games for the second time in the Premier League this season (also in September 2021 under Nuno); the first time they have had multiple losing streaks of 3+ games in a Premier League campaign since 2004-05 (also two). Fragile. pic.twitter.com/O9ROfeETDy

— OptaJoe (@OptaJoe) February 13, 2022

Rodrigo Bentancur, i cili gjithashtu mbërriti nga Biankonerët në afatin kalimtar, bëri startin e tij të parë në mesfushë.

Nuk ka gjasa të bëhet shumë më mirë për Conten, sepse ndeshja e ardhshme e Tottenham në Ligën Premier është kundër liderit Manchester City të shtunën e ardhshme. /Telegrafi/