Tre persona janë therur sot me thikë në qendër të Obiliqit, ndërsa dy prej tyre janë në gjendje të rëndë.

Kështu ka thënë për Telegrafin, mjeku kujdestar në Emergjencën e QKUK-së, Avdush Bajgora.

“Dy prej të lënduarve janë në gjendje të rëndë, ata u janë nënshtruar operacionit dhe kanë lëndime në kraharor”, pohoi ai.

Ndryshe, Policia e Kosovës ka konfirmuar se përleshja me thikë ka ndodhur sot rreth orës 15:00.

“Sot rreth orës 15 :00, patrulla policore ka hasë në një përleshje fizike e cila ka ndodhë në sheshin e qytetit, në Obiliq. Bazuar në të dhënat fillestare, në këtë rast nga mjete të mprehta, janë plagosur tre persona. Të njëjtit janë dërguar për trajtim mjekësor”, ka thënë zëdhënësja e Policisë së Kosovës, Flora Ahmeti.

Reklama
Reklama

Ahmeti bëri të ditur se Policia ka nisur një hetim lidhur me rrethanat e këtij rasti. /Telegrafi/