• Vera ka dy të këqija: po i shtove ujë – prishet, po nuk i shtove – të prish.
• Stomaku nuk dëgjon mirësjelljet dhe predikimet.
• Beqari është si palloi, i fejuari – si luani, i martuari – si gomari.
• Të marrësh anën e të drejtit, do të thotë para së gjithash t’i shërbesh vetvetes.
• Një fëmijë i pasur, shpesh, qëndron në prehrin e një nëne të varfër.
• Një njeri që nuk ka kohë për t’u kujdesur për shëndetin e tij, është si ai mekaniku që është shumë i zënë me punë dhe nuk mund të kujdeset për veglat e tij.
• Njoh dy gjëra që fitojnë duke u vjetruar: vera dhe dashuria.
• Në mes miqve një noter dhe dy dëshmitarë.
• Nëse hedh baltë kundër një muri, në mos ngelet balta, ngelet njolla.
• Nëse të gjithë të thërrasin se je gomar, ka ardhur koha të pëllasësh.
• Në udhëtimin e gjatë dhe fija e kashtës është e rëndë.
• Mos kërko ndihmë nga asnjëri, për një punë që mund ta kryesh vetë.
• Mos pi asgjë pa e parë, mos nënshkruaj asgjë pa e lexuar.
• “Nesër” është shpesh dita më e ngarkuar e vitit.
• Ligjet, ashtu si rrjeta e merimangës, kapin muzën, por lënë të kalojë skifteri.
• Krahaso dhimbjet e tua me të tjerëve, e do të duken më të vogla.
• Kur mund të hash bukë thatë në shtëpinë tënde, mos kërko mish të njomë në shtëpinë e tjetrit.
• Kur zjarri dhe uji janë në luftë, është zjarri ai që humb.
• Kurrë mos e këshillo askënd që të shkojë në luftë ose të martohet.
• Kurrë mos i thuaj burimit “unë nuk do të pi nga ti”.
• Kush do të pasurohet, nuk duhet të mbledhë para, por t’i pakësojë nevojat e veta.
• Gruaja është themeli i shoqërisë njerëzore, lum ai komb që e përkrah.
• Gruaja sheh te burri forcën që do thyer dhe dobësinë që do mbrojtur.
• Jepi fatin birit tënd dhe hidhe në det.
• Ëndrra të përkund, kurse realiteti të zgjon.
• Është e lehtë të dashurosh, por e vështirë ta jetosh dashurinë.
• Është e pamundur që njëkohësisht të dashurosh dhe të jesh i mençur.
• Gratë dhe macet nuk vijnë kur i thërret, por vijnë kur nuk i thërret.
• Dashuria korrupton zemrat e pastra dhe pastron ato të papastra.
• Dashuria shpesh i merr mendtë atij që ka, i jep atij që s’i ka.
• Dielli më i mirë është ai që më ngroh sot.
• Djalli shkon një herë në shtëpinë e të pasurve dhe dy herë te të varfrit.
• Edhe kali më i butë hedh shkelma po t’i shtrëngohet freri vazhdimisht.
• Ai që i frikësohet shkopit, mund të qeveriset vetëm nga shkopi.
• Armiku i rrezikshëm është ai për të cilin nuk dyshon.
• Atje ku sundon forca, dituria detyrohet të heshtë.
• Burri i bukuroshes është gjithnjë në alarm. /EO/
Lufta Prigozhin - Putin
Më shumëLEKCION NR. 1
Kështu foli Nietzsche: Të jetuarit është vuajtje, të mbijetuarit është gjetja e një kuptimi për vuajtjet!
Paraqitja e tmerrshme e Mbretëreshës së ndjerë flet për fundin e epokës së statujave
“Liria e së nesërmes”: A e njeh ky njeri rrugën e paqes mes Izraelit dhe Palestinës?
Fragmente nga vepra “Përtej së mirës dhe së keqes”
“The Kid” i Chaplin hap Rolling Film Festival
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë