Tetë lojtarët më të mirë të lirë që janë të disponueshëm këtë verë – nga Dybala, te Dembele

Paulo Dybala dhe Kylian Mbappe kryesojnë një listë të mbushur me yje që do të jenë të disponueshëm në transferime si të lirë këtë verë me klubet e tyre aktuale që do të humbin miliona euro.

Lojtarët që mund të largohen si të lirë është falë i një rregulli të miratuar në vitin 1995, dhe që nga atëherë shumë klube kanë pasur fatin të shijojnë praktikën e hidhur e të humburit të një lojtari cilësor.

Pas lajmeve se Dybala do t’i bashkohet listës në rritje të lojtarëve të lirë, vjen fundi i sezonit pasi dështoi të binte dakord për një marrëveshje të re me Juventusin – Daily Star Sport ka hedhur një vështrim në tetë yjet më të shquar.

Lexo po ashtu Milani dhe Interi synojnë Dybalan

Paulo Dybala

Dështimi i La Joyas për të rënë dakord për një marrëveshje të re me gjigantët e Serie A, do t’i japë fund lidhjes së tij shtatëvjeçare me klubin.

28-vjeçari u largua nga Palermo për një tarifë prej rreth 30 milionë euro në vitin 2015, dhe ka shënuar 113 gola në 283 ndeshje dhe ka fituar pesë tituj ligë.

Një burim keqardhjeje për Dybalan mund të jetë vetëm dy gola në 32 ndeshjet e tij të para për Argjentinën – dhe lëvizja e tij e ardhshme në klub mund ta ketë parasysh këtë.

Kylian Mbappe

Transferimi i lirë i profilit më të lartë këtë verë duket se do të jetë ylli i PSG-së, Mbappe, i cili prej kohësh është lidhur me një kalim te Real Madridi.

Megjithatë, është raportuar se mamaja e Mbappes, Fayza Lamari, ka kërkuar që klubi të paguajë një nënshkrim të jashtëzakonshëm prej 125 milionë eurosh për sulmuesin.

Lexo po ashtu L’Equipe publikon listën e lojtarëve më të paguar në Ligue 1 – e gjitha përbehet prej anëtarëve të PSG-së

Sulmuesi francez ka refuzuar bisedimet për një kontratë të re me PSG-në, pavarësisht përpjekjeve më të mira të klubit – dhe megjithëse një marrëveshje dukej afër, tani mund të ketë disa diskutime të tjera për t’u bërë pas kërkesës shokuese.

Paul Pogba

Koha e Paul Pogbas në Manchester United duket se do të përfundojë këtë verë me francezin që e përfundon kontratën e nëshkruan në vitin 2016 (që kur u rikthye në Old Trafford).

Klubi përdori opsionin e tyre për ta zgjatur atë me një vit tjetër në vitin 2021, por ata përsëri nuk kanë arritur të sigurojnë trofe, pavarësisht ardhjes së Cristiano Ronaldos.

Lexo po ashtu Eksod te Manchester United: Pritet largimi i mbi 15 lojtarëve

Në përgjithësi, Pogba ka treguar shenja të shkëlqimit të tij, por kurrë nuk ka qenë në gjendje të shfaqë formën e qëndrueshme që i dha atij një rikthim në Ligën Premier nga Juventusi.

Antonio Rudiger

Antonio Rudiger thuhet se ka qenë në bisedime me Chelsean për një marrëveshje të re përpara kufizimeve të tyre të fundit – por tani mund të detyrohet të vazhdojë.

Reprezentuesi gjerman ka qenë një nga mbrojtësit më të mirë në ligë që kur Thomas Tuchel mbërriti në klub – pas të cilit ata ngritën Ligën e Kampionëve.

Lexo po ashtu Juventusi dhe Rudiger arrijnë marrëveshje për kontratë katërvjeçare

Rudiger nuk do t’i mungojë opsionet nëse koha e tij në Stamford Bridge përfundon, me Juventusin që thuhet se do të udhëheqë garën.

Ousmane Dembele

Ousmane Dembele ka pasur vështirësi në pjesën më të madhe që nga kalimi i tij në vitin 2017 nga Borussia Dortmund te Barcelona– që kushtoi mbi 100 milionë euro.

Megjithatë, 24-vjeçari është kthyer në jetë nën urdhrat e Xavit, duke regjistruar nëntë asistime në 20 ndeshjet e tij nën ikonën spanjolle.

Lexo po ashtu Dembele ka marrëveshje verbale me PSG-në

Ndërsa kjo formë mund të shohë klubin dhe lojtarin të hyjnë në bisedime të reja, ai ka qenë i lidhur me lëvizje te PSG dhe United gjatë muajve të fundit.

Franck Kessie

Franck Kessie duket se do të largohet nga AC Milan këtë verë pas pesë sezoneve në klub – pasi fillimisht u bashkua me huazim nga Atalanta në vitin 2017.

25-vjeçari thuhet se është në bisedime për një kalim në Barcelonë dhe ai do të jetë një humbje e madhe për gjigantët e Serisë A pasi ka shënuar 21 gola që nga fillimi i sezonit të kaluar.

Lexo po ashtu Kessie ka kryer testet mjekësore te Barcelona

Reprezentuesi i Bregut të Fildishtë thuhet se ka kaluar tashmë testet mjekësore me skuadrën katalanase përpara një lëvizjeje verore, pasi kishte refuzuar ofertat e shumta në Milano.

Jesse Lingard

Jesse Lingard do të largohet përfundimisht nga United këtë verë pasi u bllokua nga rikthimi në Ëest Ham pas një përfundimi të shkëlqyeshëm të sezonit 2020/21.

Pasi u rikthye me forcë në planet e Anglisë, 29-vjeçari do të ëndërrojë për një fillim të mirë të sezonit të ri me Kupën e Botës që fillon në nëntor.

Lexo po ashtu Nuk po luan rregullisht te United - por Jesse Lingard ka bërë një transformim të pabesueshëm

Lingard ka bërë 19 paraqitje për Djajtë e Kuq deri më tani këtë sezon – duke shënuar vetëm dy herë.

Boubacar Kamara

Boubacar Kamara duket se do të gjejë një aventurë të re këtë verë me kohën e tij në Marsejë drejt fundit.

22-vjeçari ka bërë 146 paraqitje për skuadrën seniore që nga momenti i hyrjes në ekipin e tyre B dhe mund të luajë si në qendër të mbrojtjes ashtu edhe si mesfushor mbrojtës.

Thuhej se United i kishte ofruar një marrëveshje pesëvjeçare francezit të ri në janar – por situata e tyre menaxheriale mund ta shkëpusë atë që t’u bashkohet Djajve të Kuq. /Telegrafi/