Në një botë ku muzika shqiptare po bën hapa gjigandë në skenën ndërkombëtare, një emër i ri vjen si një erë e freskët e kreativitetit dhe pasionit. Ai është Mal Retkoceri, artisti i ri që sapo ka rrëmbyer zemrat e publikut dhe një çmim shumë të rëndësishëm – fituesi i edicionit të 62-të të Festivalit të Këngës në RTSh. Përballja e tij me skenën, emocionet që lindin nga një triumf i tillë, dhe përshtypjet e tij të sinqerta janë të gjitha të mbushura me ngjyrat e një talenti që sapo po shfaqet në horizontin e muzikës shqiptare.
Telegrafit iu dha mundësia të bëjë një bisedë të veçantë me Malin, një artist që duket se ka sjellë një orë të re në muzikën e vendit. Gjatë kësaj interviste, ai zbulon inspirimin pas hitit të tij ‘Çmendur’, provon të na rrëfejë për ndjesinë e të qenit një yll në ngjitje dhe na jep një hyrje në botën e tij, duke na treguar se nuk ka kufij kur bëhet fjalë për të ndjekur ëndrrat.
Eja, zhytemi së bashku në një rrëfim të ri, të pastër, dhe plot pasion nga një artist që po lë gjurmë në skenën muzikore – këtu, ekskluzivisht për lexuesit e dashur të Telegrafit.
Telegrafi: Mal, ti je shpallur fitues i edicionit të 62-të të Festivalit të Këngës në RTSh. Na trego pak, si ndjehesh pas këtij triumfi?
Mal Retkoceri: Jam ende në procesin e përpunimit të faktit që kam fituar, haha, më duket sikur nuk ka përfunduar ende festivali dhe pres që të më thërrasin në WhatsApp për të bërë prova, haha.
Telegrafi: Çfarë të inspiroi të krijosh dhe të performosh këngën “Çmendur” dhe cili është mesazhi që ke dashur të përcjellësh përmes saj?
Mal Retkoceri: Gjithçka ka filluar nga dëshira e madhe për të performuar dhe për të përfaqësuar Shqipërinë në Eurovision. Kjo ishte arsyeja pse e krijova këngën “Çmendur”.
Telegrafi: Ti i ke befasuar të gjithë, duke thyer parashikimet dhe duke fituar si debutant në festivalin e madh. Si u ndjeve kur dëgjove emrin tënd të shpallur si fituesi?
Mal Retkoceri: Dëshira ime ka qenë shumë e madhe për të fituar diçka, sidomos për të fituar trofeun për të përfaqësuar Shqipërinë në Eurovision, por gjithmonë kam pasur anën logjike që mendonte se nuk do të ndodhte për arsye se nuk kisha përvojë paraprake në industrinë e muzikës dhe se sapo kisha filluar vetëm pak muaj më parë. Nuk e prisja fare të fitoja, por u gëzova shumë kur dëgjova emrin tim.
Telegrafi: Me përjashtim të dy viteve të fundit, fituesit e Festivalit të Këngës zakonisht përfaqësojnë Shqipërinë në Eurovision, por kjo nuk do të ndodhë me ty. A është Eurovisioni ëndrra jote dhe a ishte ai qëllimi yt?
Mal Retkoceri: Po, ky udhëtim për të performuar në Festivalin e RTSh ka filluar nga dëshira e madhe për të performuar dhe për të përfaqësuar Shqipërinë në Eurovision.
Telegrafi: Çfarë mendimi ke për këngën përfaqësuese të Shqipërisë në Eurovision 2024, dhe cila performancë e një kolegu në festival të la mbresa më shumë?
Mal Retkoceri: Besa arriti të bindte publikun me këngën e saj, ndërsa unë arrita të bind jurinë. Të dy kemi dalë fitues në fund. Më kanë pëlqyer të gjitha këngët; secila këngë e ka pasur veçantinë e saj.
Telegrafi: Duke qenë një artist i ri në skenë, cilat janë planet e tua për të ardhmen?
Mal Retkoceri: Kam shumë këngë të tjera që do t’i ndaj me ju, por fillimisht dua të bëj videoklipin e këngës dhe të tregoj vizualisht tregimin që ka kënga dhe tekstin.
Telegrafi: Ikim pak nga muzika, ti ke studiuar për arkitekturë, pra je arkitekt me profesion. Na trego pak më shumë rreth pasionit dhe angazhimit tënd në fushën e arkitekturës?
Mal Retkoceri: Ka qenë një fazë kur u merresha me arkitekturë, por tani kam lënë atë mënjanë dhe jam duke u fokusuar vetëm në muzikë.
Telegrafi: Si e balancon jetën tënde midis arkitekturës dhe muzikës, dhe a ka pikëtakime mes tyre?
Mal Retkoceri: Tashmë nuk merrem me arkitekturën, por vetëm me muzikën, editimin e videove dhe xhirimin e videoklipeve.
Telegrafi: Je djali i një këngëtareje të njohur, Violetë Kukaj, dhe motra jote, Njomza, gjithashtu këndon. Sa kanë ndikuar ata që ti të merresh me muzikë?
Mal Retkoceri: Muzika është diçka që gjithmonë ka qenë e pranishme në familjen tonë. Nuk kam pasur ndikim të drejtpërdrejtë që të filloj të këndoj në skenë; është diçka që e kam vendosur vetë ta bëj pak muaj më parë. E kam nënën si frymëzim, jo vetëm për artisten që është, por edhe për personin që është.
Telegrafi: Mali, faleminderit shumë për intervistën dhe urime për sukseset e vazhdueshme. Për fund, cili do të ishte mesazhi yt për lexuesit e Telegrafit?
Mal Retkoceri: Faleminderit për pyetjet. Mesazhi im është që të jeni vetvetja. /Telegrafi/
Lufta Prigozhin - Putin
Më shumëNga Rubrika
Sara Hoxha befason me deklaratën: S’kam qenë kurrë bashkëshortja e Ledri Vulës
R Kelly i dënuar me 20 vite të tjera burg për abuzim seksual të fëmijëve, po vuan tashmë një dënim prej 30 vitesh
Emily Ratajkowski shfaq barkun e saj me një bluzë të bardhë, ndërsa del në qytetin e New York
Sara Hoxha befason me deklaratën: S'kam qenë kurrë bashkëshortja e Ledri Vulës
R Kelly i dënuar me 20 vite të tjera burg për abuzim seksual të fëmijëve, po vuan tashmë një dënim prej 30 vitesh
U hodh në gjyq, Olsi Bylyku "godet" Top Channel: Ikonat si Arbana, Alban Dudushi iu larguan - gjersa kolegët në TV Klan kanë ndërtuar perandori
Një takim mes Massimilianos dhe Heidit në Big Brother VIP Albania 3? Veprimi i ish-partnerit të saj në Grande Fratello ngre dyshimet
“Netët e vona” – Xhensila Myrtezaj shfaqet nën shoqërinë e Noizyt në një studio muzikore
Gresa Hoti merr vëmendje me fotografitë fantastike nga pushimet e saj
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë