Tekashi 6ix9ine e quan sulmin brutal ndaj tij në palestër të padrejtë dhe frikacak

Tekashi 6ix9ine reagoi ndaj personave që e sulmuan atë në një palestër në Florida në fillim të këtij muaji, duke i quajtur ata “asgjë veçse frikacak”.

Reperi foli për herë të parë për këtë në Instagram të premten pasi u rrah brutalisht dhe përfundoi në spital.

“Për 2 vjet kam ecur përreth pa siguri”, ka shkruar ai në një video të sulmit. “Duke mos thënë se e promovoj atë, por tani e shihni se nuk u fsheha kurrë nga asgjë”, shkruan PageSix.

Reperi i “Gooba”, 26 vjeç, vazhdoi t’i quante burrat frikacakë përpara se të ndryshonte qëndrimin e tij, duke thënë se ai “nuk është i zemëruar” për situatën “e padrejtë”.

“Në rrugë nuk ka rregulla, kështu që nuk mund të them se kanë gabuar”, shpjegoi ai, duke vënë në dukje se ai nuk kishte të bënte asgjë me mosmarrëveshjen që ata po përpiqeshin të zgjidhnin.

“Jam i lumtur që jam ende këtu. Dhe dua të them se i dua fansat e mi. Faleminderit”, vijoi reperi.

Që atëherë, policia ka arrestuar Rafael Medina Jr., Octavious Medina dhe Anthony Maldonado për sulmin ndaj reperit ndërsa ai ishte duke përdorur saunën në LA Fitness.

Videot e sigurisë nga ajo natë tregojnë dy burra duke u ngjitur në zonën e tualetit pasi me sa duket u informuan nga një person i tretë brenda.

Klipe të tjera nga sherri tregojnë tre burra që qëndrojnë mbi reperin “Mala”, duke bërtitur dhe e godasin me grusht ndërsa ai ulet në dyshemenë e banjës.

Reperi më vonë doli nga tualeti me fytyrë të përgjakur, menjëherë pas kësaj, Tekashi u dërgua në një spital aty pranë për të trajtuar lëndimet në nofullën, brinjët dhe shpinën e tij, si dhe prerjet dhe mavijosjet.

Tekashi u deklarua fajtor për shantazh dhe akuza të tjera në vitin 2019. Ai fillimisht u përball me dekada pas hekurave, por u lirua para kohe nga burgu në vitin 2020 për dëshminë kundër ish-bandës së tij, Nine Trey Gangsta Bloods. Është e paqartë nëse sulmi në palestër lidhet me këtë rast. /Telegrafi/