Los Angeles Lakers ka marrë edhe një fitore të radhës në NBA.
Skuadra nga Los Angelesi ka triumfuar në udhëtim tek Sacramento Kings me 15 pikë diferencë, 86:101.
Që nga fillimi i takimit Lakers ishin në epërsi, ndërsa pas përfundimit të dy çerekëve të parë epërsia e tyre ishte gjashtë pikë 44:50.
Edhe çereku i tretë i takoi mysafirëve ndërsa në të katërtin epërsia e Lakers shkoi deri në 20 pikë.
Më meritori për këtë fitore të skuadrës së udhëhequr nga Luke Walton ishte LeBron James.
De'Aaron Fox gjatë një dueli me Brandon Ingram. (Photo by Ezra Shaw/Getty Images)
I ardhuri këtë edicion nga Cleveland Cavaliers arriti të shënoj 25 pikë bëri dy asistime dhe shtatë kërcime.
Brandon Ingram shtoi 12 pikë, ndërsa me 11 sosh ishin Kyle Kuzma, Josh Hart e Caldwell Pope.
Tek Sacramento më efikasi ishte DeAron Fox me 21 pikë, por që nuk mjaftuan për fitore.
Për Lakers kjo ishte fitorja e gjashtë në NBA derisa kanë pësuar po aq humbje, në anën tjetër Sacramengo Kings ka marrë shtatë fitore dhe pësoi humbjen e gjashtë./ Telegrafi/
