LAJMI I FUNDIT:

Takohen Lajçak e Escobar, flasin për dialogun dhe zhvillimet e fundit në Ballkan

Takohen Lajçak e Escobar, flasin për dialogun dhe zhvillimet e fundit në Ballkan

I dërguari i posaçëm i Bashkimit Evropian për dialogun Kosovë-Serbi, Miroslav Lajçak, dhe i dërguari special i Shteteve të Bashkuara të Amerikës për Ballkanin Perëndimor, Gabriel Escobar, janë takuar këtë të premte për të biseduar për zhvillimet e fundit.

Për takimin ka njoftuar emisari Lajçak, përmes një postimi në Twitter, ku ka shkruar se kanë biseduar për zhvillimet në Ballkanin Perëndimor dhe dialogun e lehtësuar nga BE-ja.

“Është mirë të takohem me Gabriel Escobar për të përditësuar njëri-tjetrin mbi zhvillimet më të fundit në Ballkanin Perëndimor dhe Dialogun e lehtësuar nga BE. Unë jam shumë mirënjohës për mbështetjen e fortë dhe të qartë për punën time”, ka shkruar ai.

Ndryshe, Lajçak në një intervistë për Euronews Albania ka deklaruar se javën e ardhshme pritet marrëveshje me rëndësi sa i përket dialogut mes Kosovës dhe Serbisë.

Sipas tij, ndërmjet dy palëve është arritur mjaft progres edhe pse nuk ishte shumë i dukshëm deri tani.

“Është bërë shumë punë dhe ka pasur progres edhe pse kjo nuk ka qenë edhe aq e dukshme, por e vërteta është se dy kryenegociatorët po takohen çdo muaj në Bruksel dhe ne po diskutojmë një numër çështjes konkrete, si implementimi i marrëveshjeve të nënshkruara që janë miratuar para disa viteve por nuk janë implementuar”, ka thënë Lajçak.

“Ne gjithashtu po diskutojmë rreth çështjeve të ditëve të sotme për tu siguruar që ato të mos kthehen në probleme të mundshme dhe së fundmi ne po punojmë edhe për të ardhmen e marrëveshjes së normalizimit”.

Ai ka njoftuar po planifikon një takim të liderëve ndërmjet dy shteteve para fillimit të pushimeve verore. /Telegrafi/

Në trend Lajme

Më shumë
Lajçak me post të ri nga shtatori

Lajçak me post të ri nga shtatori

Lajme
Bajrami i reagon Muratit pasi tha se ka rritje të qarkullimit të biznesve, e fton për përballje

Bajrami i reagon Muratit pasi tha se ka rritje të qarkullimit të biznesve, e fton për përballje

Lajme
Pse Mali i Zi votoi kundër Kosovës në KiE, flet Dritan Abazoviq

Pse Mali i Zi votoi kundër Kosovës në KiE, flet Dritan Abazoviq

Lajme
Kurti: Më herët mirëmbajtja e rrugëve ka kushtuar 57 milionë për tri vjet, ne e kemi zbritur në 38 milionë

Kurti: Më herët mirëmbajtja e rrugëve ka kushtuar 57 milionë për tri vjet, ne e kemi zbritur në 38 milionë

Lajme
Aksident tragjik në Kërçovë, humbin jetën tre persona

Aksident tragjik në Kërçovë, humbin jetën tre persona

Lajme
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Kalo në kategori