Sundar Pichai, drejtori ekzekutiv i Google, paralajmëron shoqërinë që të përgatitet për ndikimin e zhvillimit të inteligjencës artificiale
Sundar Pichai, drejtori ekzekutiv i Google dhe Alphabet tha se “çdo produkt i çdo kompanie” do të ndikohet nga zhvillimi i shpejtë i inteligjencës artificiale, duke paralajmëruar se shoqëria duhet të përgatitet për teknologjitë që janë të njëjta me ato të sapo lansuarat.
Në një intervistë për emisionin “60 Minutes” të CNBC i cili u shfaq të dielën, intervistuesi Scott Pelley, i testoi disa nga projektetet e inteligjencës artificiale të Google dhe tha se “ishte pa fjalë” dhe se e ndjente se kjo ishte “shqetësuese”, duke iu referuar kështu aftësive njerëzore të produkteve të ngjashme me Bard, chatbot-in e Google.
“Ne si shoqëri duhet të përshtatemi për këtë teknologji”, i tha Pichai, Pelley-t, duke shtuar se punëtorët të cilët mund të ndikohen nga inteligjenca artificiale janë shkrimtarët, kontabilistët, arkitektët dhe ironikisht edhe inxhinierët softuerik, përcjell Telegrafi.
“Kjo rritje do të ndikojë tek çdo produkt tek çdo kompani”, deklaroi Pichai. “Për shembull, ju mund të jeni një radiolog, dhe nëse mendoni për pesë deri në dhjetë vjet nga tani, do të keni një bashkëpunëtor të inteligjencës artificiale. Vini në mëngjes, dhe të themi se i keni njëqind gjëra me të cilat duhet të merreni, dhe bashkëpunëtori në fjalë mund të i’u thotë, ‘këto janë rastet më kritike me të cilat duhet të merresh në fillim’”, shtoi ai.
Pelley shkoi edhe tek zona të tjera me produkte të avancuara të teknologjisë artificiale brenda Google, duke përfshirë edhe DeepMind, ku robotët ishin duke luajtur futboll, lojë të cilën ata e mësuan vet, në dallim me njerëzit.
Një njësi tjetër shfaqte robotë që njihnin sendet në një banak dhe i sollën Pelley-t një mollë të cilën ai e kërkoi.
Kur ai paralajmëroi për pasojat e inteligjencës artificiale, Pichai tha se shkalla e problemit të dezinformimit dhe lajmeve dhe imazheve të rreme do të jetë “shumë më e madhe”, duke shtuar se “mund të shkaktojë dëm”.
Pelley u duk i shqetësuar edhe atëherë kur Pichai bëri të ditur se tek chatbot-ët ekzistonte “një kuti e zezë”, të cilën “nuk e kuptojnë plotësisht” pse dhe si del me disa përgjigje të caktuara.
“Ju nuk e kuptoni plotësisht se si funksionon ajo teknologji dhe megjithatë e keni lansuar atë?”, pyeti Pelley.
Ndërsa Pichai u përgjigj: “Më lejoni ta them kështu, unë mendoj se ne nuk e dimë plotësisht as funksionimin e mendjes të njeriut”. /Telegrafi/
Lufta Prigozhin - Putin
Më shumëNdaloni telefonat inteligjentë për fëmijët nën 13 vjeç - televiziorin nën 3 vjeç
Netflix ka përgatitur një tjetër surprizë të ‘pakëndshme’
Haaland u bë një personazh në këtë video loje - ajo u shkarkua mbi dy miliardë herë
Samsung me mbushës të ri për telefona, mund të mbushë të njëjtën kohë dy pajisje - ka dy porte USB-C
Elon Musk thotë se “ka një arsye” pse ai zgjodhi datën 8 gusht, si ditën e lansimit të robotaksit Tesla
Tani është e qartë, mësohet se në çfarë Musk dëshiron ta shndërroj platformën X
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Harry Kane i përgjigjet incidentit të penalltisë me Jude Bellingham me një përgjigje të qartë
Ancelotti tregohet i sinqertë për lojën që bëri Bayerni përballë Realit
Tchouameni ndërpreu Mullerin në intervistë, krijohet situatë qesharake mes dyshes
Tifozja shqiptare e mbështjellur me flamurin kombëtar në tribunat e Allianz Arenas për ndeshjen Bayern-Real
Kosova në KiE dhe rezoluta për Srebrenicën, mediat rajonale: Vuçiq e pranoi zyrtarisht humbjen
Peci: Nëse draft-statuti nuk dërgohet në Kushtetuese, procesi i anëtarësimit të Kosovës në KiE nuk do të hyjë as në rend të ditës