Atletico Madridit i nevojitet fitorja kundër Osasunas, në mënyrë që të mbajë primatin në La Liga.

Lideri i kampionatit spanjoll e ka nisur ndeshjen e xhiros së 37-të me dy pikë epërsi ndaj Real Madridit, ashtu që shpreson të fitojë para xhiros së fundit.

Trajneri Diego Simeone e inkuadroi nga minuta e parë sulmuesin e rrezikshëm, Luis Suarez.

(Foto: Screenshot/Twitter/La Liga)

Dhe derisa Los Rojiblancos kërkojnë tri pikë, uruguaiani gjatë gjithë kohës e ka kërkuar golin e epërsisë.

Ai shpërdoroi një rast fantastik në minutën e 29-të duke nxjerrë jashtë lojë tre mbrojtës, duke depërtuar në zonë, por goditja e tij ishte jashtë.

Padyshim se nuk mund të pajtohej me veten për këtë shpërdorim, ashtu që edhe reagimi i tij e shprehu zhgënjimin. /Telegrafi/