Sekretari i Përgjithshëm i NATO-s, Jens Stoltenberg ka thënë se aleanca ushtarake është duke studiuar “mundësi të shumta” për t’u përballur me shkeljet e supozuara të Rusisë në marrëveshjen për kontrollin e armëve, mirëpo sipas tij aleatët perëndimorë dëshirojnë t’i ikin “garës së re të armëve”.
Stoltenberg ka folur më 13 shkurt në selinë e NATO-s në Bruksel, ku ministrat e Mbrojtjes së aleancës kanë diskutuar se çfarë duhet bërë pasi Uashingtoni dhe Moska kanë braktisur Traktatin për Forca Bërthamore me Rreze të Mesme.
“Kjo është shumë serioze. Ne do të shqyrtojmë situatën”, ka thënë Stoltenberg, duke shtuar se përgjigjja e NATO-s “do të jetë e matur dhe se do të ketë qëllim të mbrojtjes, për t’i ikur një gare armësh”.
Më 2 shkurt, Shtetet e Bashkuara kanë prezantuar procesin gjashtëmujor të largimit nga ky pakt, pasi Uashingtoni dhe NATO-ja vazhdimisht kanë akuzuar Moskën për shkelje të marrëveshjes, duke zhvilluar raketën, 9M729, të njohur edhe ai SSC-8.
Rusia në anën tjetër ka mohuar akuzat, dhe është tërhequr po ashtu nga ky pakt, i cili parasheh zhvillimin, prodhimin dhe pozicionimin e raketave tokë-ajër me rreze nga 500 deri në 5,000 kilometra.
Zyrtarët amerikanë kanë thënë se Rusia mund të ruajë paktin duke e zbatuar atë, mirëpo Moska e ka bërë të qartë se nuk e ka në plan të shkatërrojë raketën, 9M729.
Stoltenberg ka thënë se NATO-ja ka “një varg mundësish” mirëpo nuk ka ofruar detaje tjera.
Ai po ashtu ka theksuar se aleatët e aleancës “nuk kanë qëllim që të pozicionojnë ndonjë sistem bërthamor në Evropë”.
Më 12 shkurt, shefi i NATO-s ka thënë se Moska “vazhdon të zhvillojë dhe pozicionojë disa batalione të raketave SSC-8”.
Ministrja gjermane e Mbrojtjes, Ursula von der Leyen, nuk e ka hedhur poshtë ndonjë formë të kapacitetit mbrojtës, duke përfshirë armët bërthamore, si përgjigje ndaj raketave me kapacitet bërthamor të Rusisë.
“Pikërisht pse jemi në fillim të diskutimit, është e rëndësishme që ne të mos fillojmë me krijimin e hierarkisë, apo që të kemi qëndrime individuale, mirëpo që të diskutojmë në tavolinë”, ka thënë der Leyen para nisjes së negociatave me homologë të NATO-s.
Sekretari britanik i Mbrojtjes, Gavin Williamson ka thënë se NATO-s, i duhet “të bëjë përpjekje për t’u siguruar se Rusia është duke vepruar” sipas paktit për Armë Bërthamore.
“Kemi ende një periudhë prej gjashtë muajsh, dhe kemi mundësi të bëjmë një gjë të tillë”, ka thënë Williamson.
“Mirëpo deri atëherë, neve na duhet të kemi të hapura të gjitha mundësitë, ashtu që të përballemi në mënyrën më të mirë me këtë rrezik të së ardhmes”.
Stoltenberg ka njoftuar se do të realizojë një takim me ministrin e Jashtëm rus, Sergei Lavrov, në një konferencë për sigurinë më 15 shkurt.
“Mendoj se është e rëndësishme që të kemi dialog me Rusinë, sidomos në kohën kur përballemi me kaq situatë kaq të vështirë sikurse tani”, ka thënë shefi i NATO-s. /rel/
Lufta Prigozhin - Putin
Më shumëUkraina tërheq nga vijat e frontit tanket amerikane Abrams për shkak të kërcënimeve nga dronët rus
Zelensky paralajmëron për një "Çernobil të dytë"
Pse Greqia dhe Spanja po refuzojnë ta furnizojnë Ukrainën me sisteme të mbrojtjes ajrore?
Franca dhe Gjermania nënshkruajnë marrëveshjen miliarda euroshe mbi një projekt armësh
Erdogan shtyn vizitën në Shtëpinë e Bardhë
Blinken: Rusia do të përballej me vështirësi në Ukrainë nëse nuk do të kishte ndihmën e Kinës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre