Spanja e ka eliminuar Japoninë me rezultat 1-0 në vazhdime, për të kaluar kështu në finalen të Lojërave Olimpike që po mbahen në Tokio.

Furia e Kuq e filloi më mirë takimin, duke rrezikuar me anë të Mikel Merinos, që harkoi brenda zonës, mirëpo nuk ishte i saktë.

Një rast të mirë e lëshoi edhe Mikel Oyarzabal (31’), por portieri priti gjuajtjen e tij, duke e dërguar topin në rivënie nga këndi.

Në 45 minutat e dytë, ishte sërish Spanja që e dominoi takimin, e që lëshuan disa raste të mira.

Në minutën e 57-të, spanjollët shpresuan të merrnin një penallti, pas ndërhyrjes që bëri Maya Yoshida, por pas konsultimit me VAR-in, gjyqtari sinjalizoi se nuk kishte kontakt.

Japonia më pas rrezikoi përmes Takefusa Kubos (79’), e Unai Simon bëri një pritje brilante.

Kështu, ndeshja shkoi në vazhdime, e aty Spanja e gjeti golin e fitores.

Në minutën e 115-të, Marcos Asensio shënoi një gol të bukur, nga një asistim i Oyarzabal, duke qenë edhe vendimtar.

Spanja kështu kaloi në finale dhe aty do të takohet me Brazilin që eliminoi Meksikën përmes penalltive. /Telegrafi/