Ole Gunnar Solskjaer ka konfirmuar se largimi i Antonio Valencias nga Manchester Unitedi është i pashmangshëm. 

33-vjeçari ka luajtur vetëm në pesë ndeshje të Ligës Premier për Djajtë e Kuq këtë sezon, duke vuajtur nga humbja e formës dhe një varg lëndimesh.

Kapiteni i Unitedit nuk pritet të kthehet në veprim deri në fund të marsit, me marrëveshjen e tij të tanishme që do të skadojë në fund të këtij sezoni.

Eksod nga Manchester Unitedi, 10 lojtarë mund të largohen Eksod nga Manchester Unitedi, 10 lojtarë mund të largohen

Solskjaer këmbëngul dhe ende shpreson se Valencia mund të kontribuojë në fushë nga tani e deri në maj, por duket se largimi i tij në verë është i pashmangshëm në verë.

“Ai ende nuk është 100 për qind i aftë, ende është duke punuar për të gjetur përsëri formën e duhur dhe ka pasur një karrierë fantastike në Manchester United dhe Angli”, ka thënë fillimisht Solskjaer në një konferencë shtypi të premten.

“Ai është një nga fituesit e Ligës Premier në dhomat tona të veshjes, por unë nuk jam i sigurt nëse Unitedi dhe Antonio do të bien dakord për vitin e ardhshëm”.

Valencia pritet të largohet pas 10 sezoneve të kaluara te Unitedi (Foto: Michael Regan/Getty Images/Guliver)

“E gjitha varet nëse ai kthehet në fushë në muajt e ardhshëm, por ai është kapiten, shërbyes i madh i klubit, kështu që shpresoj se mund ta fus në fushë dhe të tregoj se çfarë mund të bëjë”, përfundoi norvegjezi.

Interi fillon bisedimet me Valencian Interi fillon bisedimet me Valencian

Ndryshe, Valencia u bashkua me Unitedin nga Wigani në vitin 2009 dhe që nga ajo kohë ka fituar dy tituj të Ligës Premier, Kupën FA, Carabao Cup dhe Ligën e Evropës.

Ylli ekuadorian ka zhvilluar 338 ndeshje për klubin nga Old Trafford dhe ka shënuar 25 gola. /Telegrafi/