Solli skena që u keqinterpretuan si ISIS në klipin e saj, Ronela Hajati tregon se si kishte përfunduar në polici

Këngëtarja e njohur, Ronela Hajati, kishte bërë shumë bujë mediatike në fund të vitit 2015, kur ishte duke realizuar klipin e këngës “A do si kjo”.

Një nga skenat e kësaj videoje muzikore, e shfaqte këngëtaren të veshur në të zeza, shoqëruar me plot statistë të veshur po njësoj, me çka bëri që kalimtarët të ndjejnë njëlloj frike, marrë parasyh faktin që ISIS bënte kërcënime të shumta në atë kohë.

E pas kaq vitesh, për herë të parë Ronela Hajati ka vendosur të tregojë se si ka qenë e vërteta e kësaj ngjarje, që e kishte çuar atë deri në polici.

Ajo thotë se ishte marrë në pyetje nga policia, të cilët e kishin mbajtur përreth pesë orë këngëtaren.

“Përfundova në polici, isha në komisariat gati 5 orë. Më thoshnin ‘kush të ka thënë ty që të vish e veshur kështu?’ Dhe unë tallesha sepse nuk po e merrja seriozisht dhe ju thoja Bin Laden e ata e shkruanin Bin Laden. Më pas u sqarua që ishte vetëm një klip dhe ata e panë që ishin kamera, por ishin proçeduarat e tilla. Plus pastaj si qytetare e ndershme që jam shkova u vetëdorëzova vetë pasi e pashë që po më shante një Shqipëri e tërë”, ka thënë Ronela, gjatë një bisede për emisionin “Soiree”.

https://www.instagram.com/p/B3-OPmRF5Yn/?utm_source=ig_embed

Mirëpo për fat të mirë, gjithçka ishte sqaruar dhe xhirimet e klipit kishin arritur të finalizoheshin.

Lexo po ashtu Të gjitha lajmet nga Estrada Shqiptare

“A do si kjo” ishte një hit absolut në fillim të vitit 2016, dhe shquhet edhe sot e kësaj dite si njëra ndër këngët më të suksesshme në karrierën e Ronela Hajatit. /Telegrafi/