LAJMI I FUNDIT:

Sjellja me kolegët që nuk ndalen së foluri

Sjellja me kolegët që nuk ndalen së foluri
(Foto: Pexels)

Kolegët tepër llafazanë mund të mos duken si një problem shumë i vogël në ambient pune, por me kalimin e kohës ata mund të shndërrohen në një shqetësim shumë të madh për ju. Ata shumë shpejt mund të ndikojnë në uljen e produktivitetit tuaj dhe ju bëjnë të ndiheni më të ngarkuar se zakonisht.

Reklama

Akademi Pune ju përcjell disa këshilla që ju ndihmojnë të përballeni me lehtë me një koleg/e të tillë dhe të ruani qetësinë dhe ta keni produktivitetin në nivelin e duhur.

Mundohuni të kuptoni pse e bëjnë këtë

Muhabeti i pafund shpesh është një shenjë e pasigurisë dhe nevojave të paplotësuara. Nëse për shembull, ata nuk marrin shumë vëmendje nga shefi atëherë ju duke u munduar t’ua shprehni vlerësimin për punën që bëjnë kjo mund të çojë në pakësimin e muhabetit nga ana e tyre. Nëse jeni të sigurt që kjo është arsyeja atëherë ju mund të shkoni edhe një hap më tej që t’i thoni madje menaxherit tuaj se personi ndihet i nënvlerësuar.

Në fund të fundit, këta persona mund të jenë thjesht të vetmuar. Në këtë rast, përpiquni të jeni dashamirës dhe të jeni më të afërt me ta.

Paguheni mirë, por e urreni – arsyeja pse duhet të largoheni nga kjo punë
Lexo po ashtu Paguheni mirë, por e urreni – arsyeja pse duhet të largoheni nga kjo punë

Flisni me kolegët tuaj dhe me vetë personin

Ju mund të jeni aq shumë i ngarkuar nga bisedat e pafundme të kolegut saqë jeni të bindur se personi po shndërrohet në një koleg të padurueshëm. Si pasojë e kësaj gjithçka që ata thonë ju mërzit. Por, më e mira që mund të bëni në këtë situatë është t’i pyetni edhe kolegët e tjerë nëse kanë të njëjtën pikëpamje. Pyetni kolegët tuaj nëse kanë të njëjtën pikëpamje. Nëse nuk e bëjnë, atëherë ndoshta duhet të bëni përpjekje për të ndryshuar. Por nëse e bëjnë, kërkojuni të ndajnë strategjitë e tyre të përballimit. Njohja se të tjerët ndajnë zhgënjimet tuaja mund të ndihmojë.

(Foto: Pexels)

Mundohuni të fokusoheni në aspektet pozitive të bisedës

Bisedat e vogla që bëhen në zyrën ku jeni duke punuar nuk janë vetëm një shpërqendrim nga puna. Ato funksionojnë si një mundësi sociale dhe ndihmojnë në ndërtimin e urave dhe rrjeteve. Politikat dhe madje edhe thashethemet mund të shihen si një lloj inteligjence informale në vendin e punës.

Pra, distancohuni, jini objektiv dhe ndaluni të pyesni veten nëse ajo që po e thotë kolegu ka vlerë. A mund të jetë ndonjë prej muhabeteve të dobishme për ju? A mund t’i shtyni ata të përqendrohen në fusha të dobishme?

Shkoni me disa strategji që i paraprijnë situatës

Çdo folës ka nevojë për një dëgjues. Pra, nëse e dini se do t’ju duhet të merreni me muhabete, mundohuni të shkoni të përgatitur – me një strategji daljeje përpara se të filloni. Shpesh kjo do të thotë vetëm të kesh disa linja të përgatitura. Kështu, pas tre minutash mund të thuash, “Më fal, Majk. Më duhet të bëj një telefonatë.” Ose “Temë e mirë, por më duhet të përfundoj një dokument para drekës”.

Çfarë nuk duhet të bëni asnjëherë brenda zyrës
Lexo po ashtu Çfarë nuk duhet të bëni asnjëherë brenda zyrës

Bëjini ata të vetëdijshëm për këtë çështje

Shumë njerëz që shfaqin sjellje problematike në punë nuk e kanë idenë e ndikimit që kanë te kolegët. Në të vërtetë, sado e pabesueshme mund të duket, ata mund të mos jenë të vetëdijshëm se janë duke e bërë këtë. Andaj distancohuni dhe mundohuni t’ua shpjegoni se mendoni se ata janë një koleg i shkëlqyer dhe po bëjnë një punë fantastike, por ndonjëherë muhabeti i tyre ju pengon juve dhe kolegët e tjerë në punë.

Këtu ju ndihmon fakti nëse bisedën e zhvilloni duke u orientuar edhe kah vetja, duke e marrë veten fillimisht si shembull. Pra, në vend që të thoni, “Ti flet shumë”, mund të thuash: “Të gjithë e duam anën sociale të zyrës. Por biseda po pengon punën. Pra, le të përqendrohemi te puna”.

Vendosni të jeni të prerë

Njerëzit që janë të fiksuar te vetja shpesh e kanë vështirë të shohin përtej kësaj. Pra, ndonjëherë kur metodat e tjera me mirësjellje nuk kuptohen dhe nuk funksionojnë atëherë duhet të ndryshoni qasjen. Në këtë rast duhet të jeni të prerë.

Në raste të tilla duhet të thoni: “Më falni, duhet t’i kryej punët tani”. Ose, nëse është në një takim, virtual ose personalisht, “Faleminderit. Por ne duhet ta dëgjojmë tani Sarën”. Thjesht mund të shmangeni nga vendet ku ata qëndrojnë dhe shkëmbejnë muhabete pafund. Ju keni një punë për të bërë – dhe puna juaj nuk është t’i dëgjoni ata.

(Foto: Pexels)

Nëse ata priren të mburren, ndoshta ju mund të mësoni diçka

Personat që lavdërohen vazhdimisht janë ata që flasin më së shumti dhe mundohen ta promovojnë punën e tyre. Edhe në këtë rast ia vlen të pyesni kolegët se çfarë mendojnë – dhe të merrni në pyetje lidhur me ndjenjat tuaja. Ju mund ta inatosni personin sepse jeni natyrshëm modest dhe ai është i sigurt, i sinqertë dhe i zoti për të folur hapur. Andaj në këtë rast duhet të ndaleni dhe të dëgjoni gjithçka që kanë për të ju thënë. Kështu edhe mund të mësoni prej tyre. Nga ana tjetër, nëse ata janë thjesht një autopublicist i padurueshëm, duhet t’i injoroni. Ju nuk duhet t’i sulmoni ata drejtpërdrejt, pasi kështu jepni një reflektim negativ të vetes.

I injoroni ata

Ju mund të mendoni se bisedat e pafundme janë aq irrituese saqë injorimi i tyre nuk është një opsion. Por në fakt kjo shpesh ka të bëjë me mënyrën se si ia prezanton vetes. Nëse mendoni se muhabeti është jashtë kontrollit tuaj dhe po ju imponohet, gjasat janë që gjithçka të bëhet edhe më irrituese. Por nëse merrni kohë dhe peshoni me qetësi dhe objektivitet opsionet e ndryshme dhe vendosni duke pasur parasysh të gjitha gjërat, atëherë injorimi ndonjëherë mund të jetë një rrugë më pak e dëmshme.

Katër shenjat që tregojnë që eprori juaj është toksik
Lexo po ashtu Katër shenjat që tregojnë që eprori juaj është toksik