Situata në qytetin e Mitrovicës, në pjesën jugore dhe veriore, është shumë e qetë, përkundër zërave të ndryshëm se mund të ketë tensione.
Zëvendësdrejtori i Policisë së Kosovës për Rajonin e Veriut, Besim Hoti në një prononcim për Telegrafin ka thënë se situata është shumë e qetë, ashtu si çdo ditë të rëndomtë.
“Është një ditë e rëndomt, pa ndonjë aktivitet që mund të kërcënojë sigurinë e përgjithshme. Është shumë qetë, si gjithë ditët tjera”, ka thënë Hoti për Telegrafin.
Ndërsa, të shtunën pjesëtarë të KFOR-it me automjete ushtarake janë pozicionuar përgjatë Liqenit të Ujmanit (Gazivodës) në veri të Kosovës.
Ndryshe, njësitet elitare të Policisë së Kosovës janë grumbulluar në Bazën “Belvedere” të Mitrovicës, por siç mësohet prania e tyre ka të bëjë me një ushtrim të planifikuar më herët.
Ndërsa, siç kanë raportuar mediat serbe pjesëtarët e forcave të KFOR-it sot janë tërhoqur nga liqeni i Ujmanit, ku e kaluan ditën dje.
“Në rrugët hyrëse të liqenit dhe hidrocentralit nuk ka automjete apo ushtarë të KFOR-it”, raporton RTS.
Nga komanda e KFOR-it në Prishtinë dje u njoftua se ishte një aktivitet i paracaktuar dhe se nuk kishte të bënte me vendosjen nën kontrolli të liqenit të Ujmanit.
Ndryshe, presidenti i vendit, Hashim Thaci ka potencuar disa herë përmes deklaratave të shpeshta duke thënë se korrigjimi i kufijve nuk nënkupton ndarje dhe as shkëmbim të territoreve. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Sipërmarrësi nga Presheva kandidon për eurodeputet, pritet në takim nga Presidenti Begaj
Gjobiten 108 shofer në Shkup, 13 për vozitje pa patentë shofer
Aksidenti i rëndë te “kafet e vogla” në Prishtinë – arrestohet shoferi i veturës që goditi dy motoçikleta
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251