Shfrytëzuesve të Mac, prej shtatorit Apple ua mundëson të përdorin sistemin operativ Catalina, që ka shumë ndryshime të rëndësishme.

Megjithëse nuk janë bërë të ditura të gjitha, janë tri përditësime të këtij sistemi për desktopët e kompjuterëve, që ia vlen të shkarkohet ky format i macOS, transmeton Telegrafi.

Të gjithë ata që e kanë instaluar sistemin macOS në iPad, tani mund ta përdorin këtë pajisje, si ekran të dytë, të lidhur për Mac, me të cilin mund të ndihmohen në shumë forma. Shfrytëzimi i dy ekraneve në të njëjtën kohë, është shumë praktik dhe efikas, duke sjellë rezultate të mira.

Opsioni i kontrollit të zërit në Catalina, është shumë praktik, kryesisht për ata që kanë nevoja të veçanta. Sikurse Siri që kryen shumë veprime vetëm me dëgjimin e komandave me zë, sistemi i Catalina i njeh zërat e caktuara, si dhe kupton kërkesën edhe nëse nuk është thënë gjithnjë si duhet.

Mungesa e aplikacioneve në Apple Mac, ka qenë gjithnjë një problem, mirëpo Catalina mundëson që të huazohen aplikacionet nga iPad dhe të shfrytëzohen në kompjuter. Zhvilluesit e programeve, mund të përdorin të ashtuquajturën Project Catalyst, që e bën ndërlidhjen mes Apple Mac dhe iPad, në mënyrë që të shkëmbehen aplikacionet. /Telegrafi/