Edhe pse gjatë kësaj periudhe janë shpallur disa konkurse dhe janë bërë disa emërime, por edhe dhe janë lakuar kandidatura potenciale për poste drejtuese, brenda vetë institucionit, sektorëve nuk ka pasur thuajse asnjë lëvizje. Nëse brenda Ministrisë nuk pritet të ketë punësime të reja, për vetë përqindjen e lartë të punonjësve shqiptarë në të, burime nga ky institucion pohojnë se ristrukturimi i vendeve të punës do të sjellë avancimin e punonjësve aktualë dhe ndryshime në përfaqësimin etnik në disa sektorë ku ka një ose asnjë punonjës shqiptar
Prej gati një viti Në Ministrinë e Kulturës po mbahet pezull procesi i sistematizimit të vendeve të punës. Edhe pse gjatë kësaj periudhe janë shpallur disa konkurse dhe janë bërë disa emërime, por edhe janë lakuar kandidatura potenciale për poste drejtuese, brenda vetë institucionit, sektorëve nuk ka pasur thuajse asnjë lëvizje, shkruan gazeta KOHA. Nëse brenda Ministrisë nuk pritet të ketë punësime të reja, për vetë përqindjen e lartë të punonjësve shqiptarë në të, burime nga ky institucion pohojnë se ristrukturimi i vendeve të punës do të sjellë avancimin e punonjësve aktualë dhe ndryshime në përfaqësimin etnik në disa sektorë ku ka një ose asnjë punonjës shqiptar. Sistematizimi ka më shumë se disa vite që pritet, sidomos për një pjesë të punonjësve që kanë statusin e bashkëpunëtorit të ri, referentit, e të tjera.
“Sistematizimi i vendeve të punës po përgatitet prej kohësh, por nëse fillimisht u ndërpre për shkak të zgjedhjeve elektorale, tani jemi në pritje edhe të sistematizimit të pjesës së administratorëve dhe shpërndarjes së tyre në ato institucione varësisht sipas nevojës”, thonë për KOHA në Ministrinë e Kulturës. Ky fluks mund të shpërndahet në muze, biblioteka, apo qendra e institucione të tjera të kulturës, ndërsa sistematizimi brenda ministrisë nënkupton avancimin në poste drejtuese nëpër sektorë dhe njësi.
Nëse sipas të dhënave më të fundit në Ministrinë e Kulturës numërohen mbi 31 për qind punonjës shqiptarë, duke e renditur në një prej dikastereve që e ka pasur në shifrat më të larta përfaqësimin, përqindja e punonjësve që kanë një post drejtues është shumë e ulët. Nga gjithsej 52 punonjës vetëm katër janë të pozicionuar në një vend udhëheqës (sipas raportit më të fundit të Avokatit të Popullit).
Përveç teatrove, institucione këto që respektojnë përfaqësimin, nëpër muze, biblioteka dhe institucione te tjera publike përqindja e punonjësve shqiptarë është jashtëzakonisht e ulët. Për shembull, duke iu referuar të dhënave zyrtare tek institucionet kulturore publike numërohen jo më shumë se 7 për qind shqiptarë, përqindje kjo që ka pësuar rënie nga viti në vit. Në biblioteka numërohen jo më shumë se 6 për qind shqiptarë. Jo vetëm që punonjësit shqiptarë janë të pakët në numër, por edhe pozicionimi i tyre në poste drejtuese është fenomen i rrallë.
Pak ditë më parë Ministria e Kulturës njoftoi për emërimin e kompozitorit Fatos Lumani në postin e drejtorit të Ansamblit të këngëve dhe valleve, ndërsa Qeveria pritet të miratojë një tjetër emërim, në Muzeun Arkeologjik në Shkup ku lakohet kandidatura e drejtorit aktual të Qendrës së Kulturës në Dibër Artin Spahiu.
Ndërkohë që sektorët e vetë dikasterit të kulturës drejtohen nga shefat e njëjtë. Ndryshime po ashtu nuk ka as tek këshilltarët. Në faqen elektronike të Ministrisë së Kulturës informacionet e vetme që janë përditësuar janë ato të ministri, zëvendësministrit dhe sekretarit shtetëror./koha.mk/
Lufta Prigozhin - Putin
Më shumëNga Rubrika
Aplikoi për kredi në emër të një personi tjetër, arrestohet 34-vjeçari nga Dibra
Demiri: Nuk është e ligjshme që Klinika të mos jetë e siguruar, menaxhmenti duhet të marrë përgjegjësi për këtë
Osmani për fjalimin e Vuçiqit në KS të OKB-së: Ai ka bërë një sërë deklaratash pos traumatike
A do të jetë Kosova vendi i parë në botë me shumicë myslimane që do të mundësojë martesat e së njëjtës gjini, Martens: Me sa duket po
FSK zgjedh ushtarin më të mirë për vitin 2024
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Tentim-vrasja në Dragash, dhëndri plagos ish-vjehrrin jashtë objektit të gjykatës
Gjenden pa shenja jete dy personaa, njëri në Fushë Kosovë e tjetri në Prishtinë
Plagoset një person në Dragash
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre