Sipas projeksioneve, Macron humb shumicën absolute në Parlament

Presidenti francez sipas projeksioneve parashihet të humb shumicën në Asamblenë Kombëtare – dega më e fuqishme e Parlamentit të vendit.

Sipas exit polleve, Aleanca Centriste e Macronit po ballafaqohet me sfida të shumta nga koalicioni i të majtëve, transmeton Telegrafi.

Aleanca e tij ishte paraparë të fitojë shumicën e ulëseve, por dështoi në shumicën e komunave pas premtimeve që i dha gjatë fushatës dhe nuk arriti as t’i fillojë, siç janë taksat si dhe rritja e pragut për pensionim nga 62 në 65 vjet.

Aleanca e Macronit është ndalur nga koalicioni i socialistëve dhe të gjelbërve të njohur si Unioni i Ri Ekologjik dhe Social i udhëhequr nga Jean-Luc Melenchon.

Kjo do të thotë se Macron tani mund të “zhytet” në një seri negociatash të stërzgjatura mbi politikën e brendshme, në një kohë kur lufta në Ukrainë është në qendër të vëmendjes.

Qytetarët francezë ia mësyn vendvotimeve në orët e para të mëngjesit të sotëm për raundin e dytë, njëherit raundin final për të vendosur për 577 anëtarët e Asamblesë – që është dhoma e ulët e Parlamentit.

Presidentit 44-vjeç të Francës, do t’i nevojiten të paktën 289 ulëse për të pasur shumicën absolute. Një projeksion tregoi se ai është paraparë të fitojë vetëm 224 ulëse. Një projeksion tjetër i dha atij nga 210 deri në 250 ulëse. /Telegrafi/