Simptomat e mundshme të kancerit të gjirit

Femrat kanë simptoma të ndryshme të mundshme të kancerit të gjirit. Disa nuk i kanë fare, prandaj është e rëndësishme të kuptohet rëndësia e vetëkontrollit dhe vizitave të rregullta te mjeku.

Disa nga simptomat më të zakonshme të kancerit të gjirit janë:

Një gungë në gji ose nën sqetull
Trashje ose ënjtje e një pjese të gjirit
Acarim i lëkurës
Skuqje ose lëkurë me luspa në zonën e thimthit ose gjirit
Tërheqja e thimthave ose dhimbja në atë zonë
Rrjedhje nga thimthat (zakonisht gjak)
Çdo ndryshim në madhësinë ose formën e gjirit
Dhimbje në çdo zonë të gjirit

Mbani në mend se këto simptoma mund të zbatohen edhe për kushtet e tjera që nuk lidhen me kancerin.

Vetekzaminimi i gjirit mund të ndihmojë në gjetjen e shenjave paralajmëruese të lartpërmendura. Nëse jeni të shqetësuara për ndonjë arsye, vizitoni një mjek sa më shpejt të jetë e mundur.

Gjithashtu duhet të vizitoni një specialist rregullisht edhe kur mendoni se gjithçka është mirë me shëndetin tuaj.

Shumë gjendje mund të shkaktojnë gunga në gji, përfshirë kancerin. Por shumica e gungave të gjirit shkaktohen nga fenomene të tjera. Dy shkaqet më të zakonshme të noduleve janë gjendja fibrocistike e gjirit dhe cisti.

Gjendja fibrocistike shkakton ndryshime jokanceroze në gjinj që mund t’i bëjnë ato me gunga, të buta dhe të dhimbshme. Cistet janë zgavra të mbushura me lëng që mund të zhvillohen në gji. /Telegrafi/