Aktivistja Greta Thunberg po qëndron në Sarajevë dhe së fundmi iu bashkua protestave në mbështetje të palestinezëve në Gaza.
Së bashku me banorë dhe aktivistë të tjerë në Sarajevë, ajo pati një performancë te Flaka e Përjetshme, ku lexuan së bashku emrat e fëmijëve të vrarë në Gaza.
Greta mori pjesë në protesta e veshur me një bluzë me Neretva, duke theksuar luftën e aktivistëve mjedisorë për të mbrojtur këtë lum nga interesat ekonomike që do ta shkatërronin atë.
Ajo gjithashtu mbante veshur Lulen e Srebrenicës dhe një lule me ngjyrat e flamurit palestinez.
Aktivistja e re aktualisht po viziton të gjithë rajonin, pasi ka qenë tashmë në Serbi, Mal të Zi, Maqedoninë e Veriut, Shqipëri dhe Kosovë, dhe pas Bosnjës dhe Hercegovinës, ajo do të shkojë edhe në Kroaci.
Gjatë qëndrimit të saj në vendet e rajonit, ajo tha se lufton për drejtësi, por edhe për një mjedis të pastër, dhe se kjo është e lidhur pazgjidhshmërisht me luftën kundër fashizmit vdekjeprurës. /Telegrafi/
