7 mijë nga 93 mijë e 400 euro subvencione që përfituan kundërligjshëm nga i pandehuri R. Z., i arrestuar të mërkurën nga Policia e Kosovës, nën dyshimet për keqpërdorim të subvencioneve në Agjencionin për Zhvillimin e Bujqësisë (AZHB), u ndanë për tre zyrtarë.
Në dosje e prokurorisë të siguruar nga Kallxo.com tregohet se si ryshfeti i ndarë në vlerë 7 mijë euro, për të cilin kishte marrëveshje paraprake, kaloi në katër palë duar e u nda për tre persona.
Për përfitimin e subvencioneve në vitin 2020, i pandehuri R. Z. kishte lidhur marrëveshje me Bekim Bruçi, zyrtar në Institutin Bujqësor në Pejë.
Përmes Bruçit, R. Z. synonte që të ndikonte tek inspektori Blerim Mulliqi dhe ish-drejtorin e pagesave direkte, Luan Statovci.
Ky synim i të pandehurit përfundoi me sukses. Ai fillimisht ishte takuar me Bruçin, tek i cili i kishte dorëzuar 7 mijë euro.
Nga 7 mijë eurot që i pranon Bruçi, 2 mijë i ndal për vetën e tij dhe 5 mijë të tjera i dorëzon tek inspektori Mulliqi.
Më pas ky i fundit, 4 mijë euro ia dorëzon ish-drejtorit Statovci dhe vetëm 1 mijë i ndal për vete, përderisa e gjithë kjo ndarje ishte e planifikuar me marrëveshje paraprake.
Në dosjen e prokurorisë thuhet se deri në këtë fazë janë siguruar si provë mesazhet e nxjerra nga ekzaminimi i telefonit të ish drejtorit, Statovci.
Në këto mesazhe tregohet se si në vazhdimësi, nga data 2 tetor 2020 deri më datën 21 shkurt 2021, Statovci komunikon me inspektorin Mulliqi dhe koordinohen që në shkëmbim të ryshfetit t’i rregullojnë dokumentet e personave të cilët sipas drejtorit Statovci nuk janë në rregull me dokumentacion.
Sa i përket të pandehurit R.Z., në aplikacionin e tij, që u bë në emër të biznesit të tij, u paraqiten të dhëna të rreme dhe të pa sakta, dhe për këtë i pandehuri dyshohet se 93 mijë e 400 eurot i përfitoi në mënyrë të paligjshme.
Në dosjen e prokurorisë thuhet se në bazë të programit për pagesa direkte të vitit 2020 kjo kulturë bujqësore e lartcekur nuk figuron fare në listën e bimëve mjekësore dhe aromatike.
Nga të gjitha këto veprime, R. Z. dyshohet se ka kryer veprat penale “Mashtrim me subvencione” dhe “Dhënia e ryshfetit”, ndërsa zyrtari Bruçi dyshohet se ka kryer veprat penale “Marrja e ryshfetit” dhe “Ushtrim i ndikimit”.
Policia e Kosovës kishte njoftuar gjatë ditës së mërkurë se kishte arrestuar 11 persona për keqpërdorim me subvencione në Agjencinë për Zhvillimin e Bujqësisë, ndërsa arrestimi i personit të 12 ka ndodhur sot.
Në njoftimin e Policisë është thënë se 8 nga të arrestuarit janë përfitues subvencionesh, ndërsa 3 të tjerët janë zyrtarë.
Kallxo.com ka raportuar se njëri nga këta të arrestuar është Liridon Fandaj, asamblist i pezulluar nga anëtarësia i Lëvizjes Vetëvendosje në Komunën e Suharekës.
I dyshuari i dytë i arrestuar, Arton Elezi, është zyrtar në Drejtorinë e Bujqësisë, Pylltarisë dhe Zhvillimit Rural në Komunën e Vitisë.
Portali ka kontaktuar me drejtorin e Bujqësisë në këtë Komunë, Naim Pira i cili e ka konfirmuar se Elezi është arrestuar.
“E di që është një djalë që është arrestu. Kam dëgju edhe unë prej mjeteve të informimit, mirëpo nuk kam ndonjë informatë më shumë”, ka thënë Pira.
I arrestuari i tretë i dyshuar për keqpërdorim me subvencione, Bekim Bruçi, është zyrtar në Institutin Bujqësor në Pejë.
Arrestimin e tij e ka konfirmuar drejtori i Institutit Bujqësor të Kosovës, Fehmi Geci.
“Po, është arrestuar”, ka thënë Geci shkurtimisht për Kallxo.com.
Sipas njoftimit të Policisë, 11 të arrestuarit, dyshohet së janë përfshirë në veprat penale keqpërdorim i pozitës apo autoritet zyrtar, marrja e ryshfetit, dhënia e ryshfetit, mashtrimi me subvencione, falsifikimi i dokumenteve zyrtare dhe pengim i të provuarit apo procedurës zyrtare.
Këta të arrestuar janë nga komunat Pejë, Istog, Deçan, Viti, Suharekë dhe Ferizaj. /Kallxo.com/
Promo
Reklamo këtuLufta Prigozhin - Putin
Më shumëNga Rubrika
Gjendja shëndetësore e 20-vjeçarit që u ther me thikë në Ferizaj është stabile
Von Cramon: Nëse Kosova e Serbia përfitojnë më shumë nga moszbatimi i marrëveshjeve, vështirë të bëhet diçka në Bruksel
Dita e dytë e fushatës për zgjedhjet kuvendare, politikanët kërkojnë vota edhe në diasporë
Serwer tregon se pse Serbia i frikësohet anëtarësimit të Kosovës në Këshillin e Evropës
Von Cramon: Nëse Kosova e Serbia përfitojnë më shumë nga moszbatimi i marrëveshjeve, vështirë të bëhet diçka në Bruksel
Arrestimet e qytetarëve të Kosovës në kufi, analistët në Beograd: Serbia ka prekur fundin moral e politik
“Të ngrehi zhag”, deklarata e bashkëshortes së Riza Muratit, e cila e ka denoncuar kapitenin e policisë për dhunë
Gjendja shëndetësore e 20-vjeçarit që u ther me thikë në Ferizaj është stabile
Kurti ironizon me ushtrimet e ushtrisë serbe: Paraqesin ndotje të ajrit e tokës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë janë retë artificiale dhe a shkaktuan përmbytjet e mëdha në Dubai?
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
Zyrtare: Serie A do të ketë pesë skuadra në Ligën e Kampionëve për sezonin 2024/25
Policia serbe e dërgon në paraburgim mërgimtarin nga Gjakova që e arrestoi në kufi