Në momentet kur nuk ndiheni në formën tuaj më të mirë, mund ta sillni veten shpejt në humor, duke bërë ca gjëra jo shumë të komplikuara

Aimee Daramus, psikologe klinike, jep këto këshilla:

1. Zgjidhni një objekt të këndshëm ose intrigues në hapësirën tuaj dhe eksplorojeni me shikim, tingull dhe prekje. Kjo do t’ju rikthejë në bukurinë e jetës përreth jush. Do t’ju bëjë më të vetëdijshëm për momentin ku jeni.

2. Hani një copë të vogël të një ushqimi të preferuar. Shijojeni me detaje dhe jini të pranishëm duke ndjerë aromën, duke parë ngjyrën. Vlerësojini vërtetë këto kënaqësi të vogla të jetës.

3. Dëgjoni një audio, instrumental – pra këngë pa tekst dhe përpiquni të fokusoheni vetëm aty.

4. Vini një varëse në qafë, pak të gjatë, lëkunduni dhe merrni frymë thellë ndërsa e shikoni të lëkundet para dhe prapa. Studime të panumërta kanë treguar se frymëmarrja e ngadaltë dhe e thellë mund të rregullojë sistemin tuaj nervor.

5. Pyete veten se çfarë do doje të dëgjoje për t’u inkurajuar. Thuaja ato fjalë vetë vetës. Shkruaji disa herë ose vendosi tek shënimet e telefonit për t’i patur si rikujtim.

6. Kaloni disa minuta në “pozën e fëmijës” sepse dorëzimi në këtë pozicion e bën trupin të kuptojë se është i sigurt dhe qetëson sistemin tuaj nervor. Poza duket kështu:

7. Lani fytyrën. Kjo shërben si një rifreskim i shkëlqyer për mendjen dhe trupin.

8. Tunde! Kërceni, hidhuni, bëni zumba etj. Këto ndihmojnë në “shkundjen” e nervave, stresit dhe çdo bllokimi energjik që po përjetoni.

9. Shkëputuni pak nga teknologjia. Ka një arsye që ekspertët e gjumit nuk rekomandojnë pajisje në dhomën tuaj të gjumit: Ato priren të shkaktojnë ankth. Vendosini poshtë, fshihni ato, ose konsideroni t’i jepni vetes një “shtetrrethim dixhital”.

10. Bëni një listë të 10 gjërave të para që ju vijnë në mendje kur mendoni se çfarë ju bën më të lumtur. Mbërtheni listën diku ku mund ta shihni për pjesën tjetër të ditës dhe përdoreni atë si një kujtesë. /Telegrafi/