Si pritet të luajnë Real Madridi dhe Atalanta në Superkupë – a do të startojë Mbappe?

Përballja në Superkupën e UEFA-s mes Real Madridit dhe Atalantas në Varshavë është pothuajse afër.

Në cilën njëmbëdhjetëshen startuese do të luajë Carlo Ancelotti kundër fituesit të Ligës së Evropës? A do të debutojë më në fund Kylian Mbappe?

Më poshtë keni gjithçka që duhet të dini përpara ndeshjes:

Lexo po ashtu Carlo Ancelotti paralajmëron lojtarët e Real Madridit para ndeshjes me Atalantan

Atalanta

Gian Piero Gasperini do të duhet të përballet pa pesë lojtarët kryesorë – Gianluca Scamacca, Nicolo Zaniolo, El Bilal Toure, Giorgio Scalvini dhe Teun Koopmeiners. Rafael Toloi është gjithashtu një dyshim për lojën.

Real Madrid

Lojtari i vetëm që definitivisht nuk do të luajë për Los Blancos është David Alaba, pasi ai është ende duke u rikuperuar nga dëmtimi i tij në ligamente. Megjithatë, ai ka udhëtuar në Poloni me ekipin.

Mungesë për Real Madridin në këtë sfidë do të jetë edhe Eduardo Camavinga i cili pësoi një lëndim në stërvitjen e fundit para finales, si pasojë e një dueli me Aurelien Tchouamenin.

Lexo po ashtu Gasperini insiston se Atalanta mund të shkaktojë befasinë ndaj Real Madridit në finale

Formacionet e mundshme:

Atalanta XI: Musso, Gjimshiti, Hien, Kolasinac, Zappacosta, Pasalic, Ederson, Ruggeri, Lookman, De Ketelaere, Retegui.

Real Madrid XI: Courtois, Carvajal, Rudiger, Militao, Mendy, Valverde, Modric, Bellingham, Rodrygo, Mbappe, Vinicius Junior.

Ndeshja fillon të mërkurën, më 14 gusht, në orën 21:00 me orën lokale. /Telegrafi/