Në vjeshtë, qeveria finlandeze mbylli të tetë pikat e kalimit që ndan me Rusinë, përgjatë një kufiri prej gati 1,400 kilometrash. Ato do të qëndrojnë të mbyllura të paktën deri në mes të prillit.
Siç edhe dihet, autoritetet finlandeze urdhëruan mbylljen për arsye të “sigurisë kombëtare”.
Por OJQ-të e dënojnë masën, duke thënë se ajo po vë në rrezik jetën e qindra azilkërkuesve, shkruan Euronews, përcjell Telegrafi.
Dhe një gazetar i këtij mediumi udhëtoi në zemër të zonës së prekur për të dëgjuar pikëpamjet e ndryshme të njerëzve.
Siç theksohet më tej, autoritetet finlandeze akuzojnë Rusinë për “kanalizimin” e emigrantëve të paligjshëm në kufi dhe i ndihmon ata me para, ushqim, akomodim ose transport në atë që ata e quajnë një “sulm hibrid” kundër Finlandës.
Ndryshe, Finlanda kohët e fundit u bashkua me NATO-n dhe ka kundërshtuar me forcë pushtimin rus të Ukrainës.
Por Rusia i mohon akuzat.
“Kërcënim për sigurinë kombëtare”
Finlanda pretendon se rreth 500 emigrantë të paligjshëm kaluan kufirin e saj lindor në nëntor, nga mesatarja e mëparshme mujore prej rreth 30 personash.
Qeveria finlandeze i ka quajtur këto ardhje “një kërcënim serioz për sigurinë kombëtare dhe rendin publik”.
Shumë nga ata emigrantë të paligjshëm tani janë strehuar në Joutseno, një fshat aty pranë, ndërsa kërkesat e tyre për azil shqyrtohen.
Qendra e pritjes për azilkërkuesit ndodhet mezi 10 kilometra nga kufiri rus. Rreth 100 njerëz aktualisht jetojnë këtu. Autoritetet nuk lejuan hyrjen në objekt, as nuk kanë qenë të gatshëm të japin ndonjë intervistë, megjithatë disa banorë pranuan të ndajnë historitë e tyre.
“Është kaq e lehtë të vish këtu”
Nabil, nga Maroku, konfirmoi se “policia dhe ushtria (ruse) na ndihmuan. Është mirë për ne sepse është kaq e lehtë të vish këtu”.
Azilkërkuesit nuk mund të dëbohen derisa kërkesat e tyre janë në shqyrtim. Kjo mund të zgjasë deri në dy vjet.
Ndërkohë në selinë e Gardës Kufitare Finlandeze në Helsinki, Marek Saareks, një ndihmës shef i departamentit atje, tha se kufijtë detarë dhe ajrorë të vendit mbeten të hapur, por se kur bëhej fjalë për kufirin tokësor me Rusinë, Finlanda kishte pak mundësi.
“Ne kemi informacion se në zonën e Shën Petersburgut janë mijëra persona që mund të vijnë në Finlandë duke përdorur këtë rrugë”, pohoi ai.
E OJQ-të finlandeze e kanë kritikuar masën.
Pargol Miraftab, një këshilltar ligjor në Amnesty Finland tha: “Ne kemi të drejta të njeriut që i përkasin çdo personi. Dhe qeveria ka për detyrë të respektojë këto të drejta”.
Një shoqatë e shtetasve të dyfishtë finlandezo-ruse madje ka ndërmarrë veprime ligjore.
Megjithatë, sondazhet e fundit tregojnë se deri në 80% e finlandezëve pajtohen me mbylljen e kufijve.
Disa pretendojnë se dështimi për të vepruar do të çonte në një milion emigrantë të paligjshëm që të mbërrinin aty brenda dy vjetësh.
Edhe pse nuk është pjesë e programit të qeverisë dhe e nxitur nga arsye të ndryshme, mbyllja duket për disa vëzhgues një hap tjetër drejt një shtrëngimi të politikës së migracionit të Finlandës.
Qeveria, një koalicion i udhëhequr nga konservatorët dhe e djathta ekstreme, ka paraqitur planet për të përgjysmuar kuotat për azilkërkuesit.
Negociatat janë duke vazhduar dhe ende nuk janë miratuar ligje të reja specifike, por vëzhguesit bien dakord se, ashtu si të tjerët në Evropë, vendi po zhvendoset drejt një politike të re imigracioni. /Telegrafi/
Lufta Prigozhin - Putin
Më shumëNga Rubrika
Rrëfimi i ukrainases 98-vjeçe, që eci dhjetë kilometra për të shpëtuar nga territori i pushtuar
Ukrainasit bombardojnë qendrën trajnuese të rusëve, e godasin me sistemin raketor amerikan ATACMS
Deshifrohet një tekst i lashtë – ai tregon se si dukej mbrëmja e fundit e Platonit
Një nga qytetet më të mëdha në botë po fundoset - do të shpenzohen 35 miliardë dollarë për ndërtimin e një kryeqyteti të ri
Deshifrohet një tekst i lashtë - ai tregon se si dukej mbrëmja e fundit e Platonit
Mallkimi i Faraonit: Mitet dhe realiteti i varreve egjiptiane
Ministri i Jashtëm i Bosnjës e Hercegovinës i reagon Gjuriqit, thotë se e ka keqcituar: Ke gënjyer Marko
Ukrainasit sërish sulmojnë me dron një rafineri nafte në Rusi
Vuçiq humb kontrollin gjatë konferencës, analisten amerikane Ivana Stradner e quan të çmendur
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit