“Shumë projekte janë shkatërruar nga ndjekja e trofeut të Ligës së Kampionëve” – Guardiola tregon tërthorazi se çfarë e pret Interin në finale

Pep Guardiola pohoi se shumë projekte janë shkatërruar në kërkim të një titulli të pakapshëm të Ligës së Kampionëve pasi Manchester City më në fund kërkon të thyejë akullin këtë fundjavë.

Trajneri i Cityt, i cili pranoi se klubi nuk do të jetë fitues universal, nëse ata triumfojnë kundër Interit të shtunën, beson se trashëgimitë po peshohen në mënyrë të padrejtë drejt ngritjes së trofeut.

Por, ai pranoi se është një realitet i pashmangshëm që City duhet të pushtojë Evropën nëse do të konsiderohet si një nga më të mëdhenjtë.

Lexo po ashtu Sa para do të arkëtojë Manchester City nëse e fiton Ligën e Kampionëve nesër mbrëma

“Shumë klube kanë shkatërruar projekte dhe ide sepse nuk ishin në gjendje të fitonin këtë kompeticion”, deklaroi Guardiola.

“Dhe kaq shumë janë bërë klube të mëdha sepse ishin në gjendje ta fitonin atë. Edhe nëse nuk e ndaj këtë mendim, e kuptoj se gjithçka që kemi bërë gjatë gjithë këtyre viteve, e cila ka qenë shumë e mirë, do të ketë kuptim për të tjerët vetëm nëse fitojmë këtë garë. Është pak e padrejtë, por duhet ta pranojmë”.

“Ne duhet të pranojmë se nëse duam të bëjmë një hap përfundimtar si një klub i madh, ne duhet të fitojmë në Evropë”.

Lexo po ashtu Football Benchmark: Këto janë dhjetë klubet më të vlefshme në botë, Man City rrëzon nga froni Real Madridin

“Ne duhet të fitojmë, kjo është diçka që nuk mund ta shmangësh. Por, gjëja më e rëndësishme është të jesh atje përsëri dhe përsëri”.

“Me klubin tonë, kam mësuar se emocionet e tepërta nuk na përshtaten. Duhet të jesh ambicioz, por jo shumë i pangopur. Ky kompeticion më ka dhuruar momente shumë, shumë të trishtuara, të cilat më lëndojnë, të cilat do të jenë gjithmonë në mendjen time, por më dhuroi edhe momente jashtëzakonisht të bukura”, ka potencuar më tej spanjolli. /Telegrafi/