Mos ratifikimi i marrëveshjes së Demarkacionit me Malin e Zi vazhdon ta mbajë peng çështjen e liberalizimit të vizave për Kosovën.
Raportuesja e Bashkimit Evropian për liberalizimin e vizave në Kosovë, Tanja Fajon ka thënë se ka vendosur që të shtyjë rekomandimin e saj për vënie në votim të heqjes së vizave për Kosovën deri në shtator të këtij viti.
“Kam vendosur që të shtyj votimin për heqjen e regjimit të vizave për Kosovën për në shtator, duke parë se nuk ka progres të vërejtshëm në përmbushjen e kritereve të fundit, në veçanti me ratifikimin e demarkacionit të kufirit me Malin e Zi”, ka deklaruar Fajon.
E lidhur me këtë, njohësi i fushës së integrimeve evropiane, Shenoll Muharremi ka thënë se institucionet duhet që sa më parë të kryejnë obligimet e tyre në mënyrë që të përfundojë izolimi i qytetarëve.
“Çështjet si demarkacioni na kujtojnë faktin se sa jo-efiçient janë institucionet e vendit dhe liderët e tyre kur është fjala tek çështjet e rëndësisë më të lartë. Është e pakuptueshme mosndërmarrja e veprimeve në asnjë drejtim”, ka thënë Muharremi.
Ai ka shtuar se po ashtu nuk shihen veprime as në aspektin e konsultimeve dhe përfshirjes së palëve të shqetësuara me proces, e madje as procedim për votim në Kuvend.
“Liderët e institucioneve preferojnë status quo dhe e përdorin këtë çështje për interesa të ngushta politike dhe partiake. Kjo tregon se kjo klasë politike nuk është e gatshme të adresojë nevojat e qytetarëve të vendit si dhe të arrijë të jetësoj potencialet e Kosovës. Kjo tregon gjithashtu pse ne jemi vendi më ‘diskutabil’ në Evropë, me papunësi kronikisht më të lartë dhe ekonomi më modeste të mundshme”, u shpreh Muharremi.
Ai ka theksuar më tej se Bashkimi Evropian nuk kërkon nga Kosova të falë territorin e saj, por janë liderët ata që zhvillojnë negociatat dhe marrin vendimet.
“Institucionet duhet të veprojnë dhe kryejnë detyrat dhe obligimet e fundit në këtë proces që të përfundojë izolimi makabër i qytetarëve dhe bizneseve të Kosovës dhe të lejnë interesat e tyre personale anash kur është në pyetje interesi i publikut”, tha Muharremi për Telegrafin.
Në anën tjetër njohësi i integrimeve evropiane, Emrush Ujkani ka thënë se ratifikimi i marrëveshjes së Demarkacionit me Malin e Zi duhet të bëhet.
“Vendimi i Parlamentit Evropian për të shtyrë procesin e vendimmarrjes për liberalizimin e vizave për Kosovën, dëshmon edhe njëherë se ratifikimi i marrëveshjes për Demarkacionin e kufirit me Malin e Zi është kusht që duhet të plotësohet”, ka thënë Ujkani për Telegrafin.
Ai ka theksuar se institucionet e Kosovës si dhe opozita duhet të ulen dhe të arrijnë një koncenzus nacional, përndryshe çfarëdo qasje tjetër nuk do të ofrojë zgjidhje të qëndrueshme.
Edhe ministri i Integrimeve Evropiane, Bekim Çollaku, i ka bërë thirrje Kuvendit dhe institucioneve të tjera të vendit, që të adresojnë “në mënyrë të përgjegjshme dy çështjet e hapura, demarkacionin dhe liberalizimin e vizave, si çështje të interesit nacional”.
Ai ka thënë se çështja e demarkacionit “është përgjegjësi e të gjitha institucioneve të vendit si interes madhor dhe adresimi i saj duhet të bëhet sa më shpejt”. /Telegrafi/
Promo
Reklamo këtuLufta Prigozhin - Putin
Më shumëPësoi infrakt në aeroplan derisa ishte duke ardhur nga Zvicra, policia njofton për vdekjen e gruas
Qëndrim Januzi dënohet me 17 vjet burgim për vrasjen e 30-vjeçarit në Ferizaj
Dyshohet se kreu marrëdhënie seksuale me familjaren e tij në Klinë, arrestohet një person
A mund të pengohet Kosova për anëtarësim nga Serbia në KiE? Reagime nga ish-diplomatë e deputetë nga Evropa
Vëllai i Rrustem Llapit flet për vrasjen e serbit në Gjermani: Është zënë diçka ngushtë Rrusta, ai as shijen e alkoolit nuk e di
“Shko atje ku ka deve, kjo tokë është Evropë” – përplasje e ashpër mes Kelmendit dhe Shalës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Vuçiq humb kontrollin gjatë konferencës, analisten amerikane Ivana Stradner e quan të çmendur
“Shko atje ku ka deve, kjo tokë është Evropë” – përplasje e ashpër mes Kelmendit dhe Shalës
Vëllai i Rrustem Llapit flet për vrasjen e serbit në Gjermani: Është zënë diçka ngushtë Rrusta, ai as shijen e alkoolit nuk e di
Pse SHBA-ja bleu 81 aeroplanë të vjetër sovjetikë nga Kazakistani?
Eksperti i leximit të buzëve zbulon fjalët që Salah ia tha Kloppit gjatë përplasjes së ashpër
Mësohet arsyeja pse Liverpooli vendosi kundër emërimit të Ruben Amorim si trajner të ri