Shkëndija ka humbur ndaj Nomme Kalju me rezultat 2-1, duke u eliminuar nga Liga e Kampionëve. 

Kuqezinjtë e Tetovës edhe pse e kishin fituar ndeshjen e parë 1-0, dy golat e pranuar në shtëpi bënë që ata të eliminohen nga gara më prestigjioze evropiane.

Edhe pse ndeshja e parë ishte fituar dhe pritej një kualifikim i lehtë, goli i shënuar në pjesën e parë nga Maximiliano Ugge që në minutën e 6-të, ndryshoi ndeshjen.

Shkëndija me shumë mund arriti që ta barazojë rezultatin në pjesën e dytë.

Nga pika e bardhë i saktë ishte Agim Ibraimi.

Kur pritej që ndeshja të mbyllej në barazim në skenë doli Liliu që me kokë nga afër shënoi në kohën shtesë.

Dëshpërim i madh në kampin kuqezi, që pas kësaj ndeshje kanë mundur të takohen me çiftin e ndeshjes Celtic- Sarajevo.

Shkëndija garat do t’i vazhdojë në Ligën e Evropës. /Telegrafi/