LAJMI I FUNDIT:

Shkencëtarët pretendojnë se kanë zbuluar sekretin e espresos së përsosur

Shkencëtarët pretendojnë se kanë zbuluar sekretin e espresos së përsosur

Mënyra se si të bëhet një kafe espreso perfekte është debatuar shumë mes ithtarëve të kafes. Tani një grup shkencëtarësh thonë se kanë përgjigjen dhe kanë veçuar përbërësin sekret – dhe ai vjen para se të fillojë bluarja.

Studiuesit kanë zbuluar se një sasi e vogël uji e shtuar në kokrrat e kafesë përpara procesit të bluarjes krijon një espreso më të qëndrueshme dhe më të shijshme, për të cilin ata thonë se do të ndihmojë kafe-baret dhe prodhuesit industrialë të kafesë të kapërcejnë një pengesë të madhe.

Kur kafeja bluhet, fërkimi midis kokrrave krijon elektricitetet, duke bërë që grimcat të grumbullohen së bashku në mulli.

Hulumtimi zbuloi se shtimi i ujit në këtë proces redukton elektricitetin e prodhuar, duke rezultuar në më pak mbetje kafeje dhe shije më të forta.

Shkencëtarët zbuluan gjithashtu ndryshime në mënyrën e përgatitjes së espresos kur kombinohet uji me metoda të ndryshme bluarjeje, raporton theguardian.

Christopher Hendon, profesor i asociuar i kimisë në Universitetin e Oregon, tha se “uji jo vetëm që redukton elektricitetin statik dhe për këtë arsye redukton rrëmujën ndërsa bluani, por gjithashtu mund të ketë një ndikim të madh në intensitetin e pijeve dhe, potencialisht, në aftësinë për të arritur koncentrate më të larta të shijeve të favorshme”.

Joshua Mendez Harper, asistent profesor i inxhinierisë elektrike dhe kompjuterike në Universitetin Shtetëror të Portlandit, tha se “gjatë një shpërthimi, magma shpërthen në grimca të vogla që dalin nga vullkani në këtë shtëllungë të madhe. Ato grimca fërkohen me njëra-tjetrën dhe ngarkohen deri në pikën e prodhimit të rrufesë. Në një mënyrë të thjeshtuar, është e ngjashme me bluarjen e kafesë, ku po i merrni këto kokrra dhe i ktheni ato në pluhur të imët”.

Studiuesit më pas matën lloje të ndryshme të kokrrave të kafesë, duke marrë parasysh vendin e origjinës dhe ngjyrat e pjekjes së kafesë.

Ata vunë re gjithashtu metodat e përpunimit të kafesë dhe morën parasysh nëse kafeja ishte e larë, e pa kafeinë apo natyrale, gjë që u zbulua se nuk ndikonte në sasinë e elektricitetit të prodhuar.

Hapi tjetër i studiuesve është të thyejnë kodin për krijimin e kafesë perfekte, thanë ata. /Telegrafi/


Në trend Botë

Më shumë
Për herë të parë u pa dje në fushëbetejë Abramsi në Ukrainë, por çfarë është tanku amerikan?

Për herë të parë u pa dje në fushëbetejë Abramsi në Ukrainë, por çfarë është tanku amerikan?

Evropa
Brnabiq: Me gjasë do të ketë zgjedhje të reja në Beograd

Brnabiq: Me gjasë do të ketë zgjedhje të reja në Beograd

Serbia
Pamjet nga ajri shfaqin mbi 2 mijë kamionë me ndihma, që po presin në pjesën egjiptiane të pikëkalimit kufitar në Rafah

Pamjet nga ajri shfaqin mbi 2 mijë kamionë me ndihma, që po presin në pjesën egjiptiane të pikëkalimit kufitar në Rafah

Azia
Objektet misterioze të gjetura brenda një grope në Spanjë dyshohet se nuk janë nga Toka

Objektet misterioze të gjetura brenda një grope në Spanjë dyshohet se nuk janë nga Toka

Botë

"Si Nokia dhe iPhone": Piloti ukrainas krahason fluturimin me F-16 dhe një aeroplan të vjetër sovjetik

Botë
Imazhet satelitore e tregojnë, pasojat e luftës dyvjeçare të Rusisë në Ukrainë

Imazhet satelitore e tregojnë, pasojat e luftës dyvjeçare të Rusisë në Ukrainë

Evropa
Kalo në kategori