Në filmin Bad Boys For Life, do të shihet shkathtësia që ka Porsche 911 në lëvizje

Gjatë muajit shtator, ishte bërë i ditur vazhdimi i filmit aksion me protagonist kryesorë Will Smith dhe Martin Lawrence, ndërsa tani janë shfaqur edhe skena tjera të Bad Boys For Life, transmeton Telegrafi.

Porsche 911 Carrera 4S është vetura që shfrytëzojnë aktorët për aksionet e ndryshme, ndërsa zë me lehtësi kthesat, si dhe kalon me saktësi nëpër trafikun e dendur.

Kjo makinë ka treguar shkathtësitë e mahnitshme, derisa shihej teksa lëvizte me shpejtësi të lartë, ndërsa nuk pësonte asnjë gërvishtje të vetme. Megjithëse janë vetëm skena filmi, Porsche 911 e re është një makinë shumë e fuqishme, që ka dukje të këndshme dhe janë të fuqishme.

Brenda do ta ketë motorin me 3.0 litra që prodhon 443 kuaj fuqi, duke i mundësuar që shpejtësinë nga zero deri në 100 kilometra në orë t’i arrijë për 3.2 sekonda, derisa ka shpejtësi maksimale mbi 300 kilometra në orë. /Telegrafi/